Lukas 19:12 - Perjanjian Baru Bahasa Melayu Maluku Utara

¹² Yesus bilang, “Ada raja pe turunan satu, dia pigi di daera satu yang jao skali karna dia mo dapa lantik jadi raja. Kalu dia so dapa lantik, baru dia mo bale ulang pa dia pe daera.

Lukas 19:12 Iomraidhean Croise

Matius 21:38

Tapi waktu orang-orang yang urus kobong itu dapa lia pa tuang kobong itu pe ana, dorang baku bilang bagini, ‘Dia ini suda yang nanti jadi waris untuk kobong ini. Jadi, mari suda torang bunu pa dia, la kobong ini mo jadi torang punya.’

Matius 28:18

Yesus badekat pa dorang kong bilang, “Kita so tarima samua kuasa di sorga deng di bumi.

Markus 12:1

Turus Yesus bicara lagi pa imam-imam kapala, guru-guru agama Yahudi yang ahli lima kitab Musa deng tua-tua Yahudi. Dia pake umpama bagini, “Ada satu orang babiking kobong anggur kong biking pagar kase kuliling kobong itu. Turus dia gale lobang la jadi tampa untuk baramas anggur. Kong dia biking lagi ruma kobong yang tinggi satu untuk orang bajaga kobong itu. Kong dia baku ator deng orang yang mo bakarja di kobong itu la urus dia pe kobong. Abis itu, dia pigi di daera laeng.

Markus 16:19

Abis Tuhan Yesus bicara pa Dia pe murit-murit, Dia taangka ka sorga, kong dudu di tampa yang terhormat pa Tuhan Allah pe sabla kanan.

Lukas 20:9

Yesus kase carita umpama satu pa orang banya itu bagini, “Ada satu orang babiking kobong anggur. Turus, dia baku ator deng orang yang mo bakarja di kobong itu la urus dia pe kobong. Abis itu, dia sandiri pigi di daera laeng kong tinggal lama di sana.

Lukas 24:51

Waktu Yesus sementara kase berkat, Dia taangka ka sorga, kong mulai tapisa dari dorang.

Yohanes 18:37

Turus gubernur Pilatus batanya lagi pa Yesus, “Jadi Bapa ini Raja?” Yesus jawab pa dia, “Bapa yang bilang Kita ini Raja, deng memang itu butul suda dia pe tujuan Kita lahir deng Kita datang di dunia ini, supaya Kita bole kase tau yang butul. Kong sapa yang suka yang butul, dia pasti dengar pa Kita.”

Kisah Para Rasul 17:31

Barang, Tuhan Allah so ator satu waktu nanti mo adili pa torang samua deng adil. Tuhan Allah so tunju satu Orang untuk adili pa torang samua. Kong torang bole yakin samua itu akan jadi, karna Orang yang mo adili itu Tuhan Allah so kase hidup ulang pa Dia waktu Dia mati.”

1 Korintus 15:25

Barang, Yesus Kristus musti tetap berkuasa sebagai Raja sampe Tuhan Allah kase kala samua Dia pe musu, itu sama deng Tuhan Allah taru samua Dia pe musu di Yesus Kristus pe di bawa kaki.

Ibrani 9:28

Bagitu lagi Yesus Kristus mati cuma satu kali saja, Dia mati itu supaya jadi korban persembahan untuk hapus banya orang pe dosa-dosa. Kong Dia akan datang lagi yang kedua kali, bukang untuk hapus manusia pe dosa-dosa, tapi untuk kase slamat pa orang-orang yang ada tunggu-tunggu Dia mo datang ulang.

1 Petrus 3:22

Kong skarang, Yesus Kristus so nae ka atas di sorga, so dudu di tampa yang terhormat, pa Tuhan Allah pe sabla kanan. Kong samua malaekat, samua yang ada kuasa, deng samua yang ada pengaru, ada di bawa Yesus Kristus pe kuasa.

Wahyu 1:7

Jadi, ngoni dengar ini bae-bae! So tara lama Yesus mo datang di tenga-tenga awan. Kong samua orang akan lia pa Dia. Bagitu lagi deng orang-orang yang dulu tikam pa Dia pake tombak me akan lia pa Dia. Samua suku di dunia akan manyasal kong manangis waktu lia pa Dia. Samua itu memang pasti mo jadi. Amin.