Lukas 18:9 - Perjanjian Baru Bahasa Melayu Maluku Utara

⁹ Yesus kase carita umpama satu pa orang-orang yang anggap dong pe diri butul deng yang pandang enteng pa orang laeng. Yesus bilang,

Lukas 18:9 Iomraidhean Croise

Lukas 10:29

Tapi guru agama Yahudi itu mau supaya orang tau dia pe diri itu so butul, jadi dia tanya pa Yesus lagi, “Kong orang laeng yang kita musti sayang itu sapa?”

Lukas 15:2

Di situ ada lagi orang-orang Yahudi dari aliran fanatik yang pe nama Farisi, deng guru-guru agama Yahudi yang ahli lima kitab Musa. Waktu dorang lia Yesus di situ, dorang bafeto bagini, “Cis, Orang ini batamang deng orang-orang berdosa, baru makang sama-sama deng dorang.”

Lukas 16:15

Yesus bilang pa dorang, “Di orang pe muka, ngoni kase tunju diri butul, padahal tarada. Tuhan Allah tau ngoni pe hati. Inga e, apa yang manusia suka skali, itu yang Tuhan Allah paling tara suka.

Lukas 18:11

Orang dari aliran Farisi itu badiri basandiri kong dia berdoa bagini, ‘Ya Tuhan Allah, kita bilang tarimakasi, karna kita bukang orang berdosa sama deng orang laeng. Kita ini bukang orang yang suka rampas orang laeng pe barang, kita bukang orang yang tara butul, kita bukang orang yang jaga baku suka deng orang pe bini, deng kita bukang lagi sama deng tukang tagi pajak ini.

Lukas 19:7

Waktu samua orang lia itu, dorang mulai bafeto, dorang bilang, “Cis, Yesus itu pigi batamu di orang berdosa pe ruma tu!”

Lukas 7:39

Waktu Simon yang undang pa Yesus lia apa yang parampuang itu biking, dia bapikir dalam hati bagini, “Kalu memang Yesus butul-butul nabi, pasti Dia tau sapa parampuang yang ada bapegang pa Dia deng bagimana parampuang itu pe kalakuang. Dia pasti tau, parampuang itu parampuang tara bae.”

Yohanes 8:48

Pemimpin-pemimpin agama Yahudi langsung hina pa Yesus, “Ee Bapa, memang butul yang torang bilang, Bapa ini bukang orang Israel, tapi Bapa ini orang Samaria yang so kemasukan setang.”

Yohanes 9:28

Kong dorang hina pa dia bagini, “Ee, ngana itu yang jadi Orang itu pe murit, tapi torang ini nabi Musa pe murit-murit.

Yohanes 9:34

Kong dorang bilang pa dia, “Ee, ngana ini so berdosa memang dari ngana lahir, kong masa ngana mo ajar pa torang lagi?” Kong mulai waktu itu suda, dorang larang pa dia maso di ruma ibada agama Yahudi.

Kisah Para Rasul 22:21

Tapi Tuhan bilang pa kita, ‘Pigi suda, barang Kita mo utus pa ngana pigi jao dari sini untuk kase tau tentang Kita pa orang-orang yang bukang Yahudi la dorang percaya.’ ”

Roma 10:3

Dorang tara tau dia pe cara supaya Tuhan Allah biking dorang itu jadi orang yang tara sala pa Dia pe muka. Dorang berusaha iko dorang pe cara sandiri. Dorang pikir kata, kalu dorang iko aturan-aturan di lima kitab Musa, dorang sandiri bisa jadi orang yang butul pa Tuhan Allah pe muka. Karna itu, dorang tara mau iko Tuhan Allah pe jalang la jadi orang yang tara sala pa Tuhan Allah pe muka.

Roma 14:10

Jadi, ngoni yang makang samua macam makanang, tara bole pandang enteng pa ngoni pe sudara yang percaya yang makang sayor saja. Bagitu lagi ngoni yang cuma makang sayor, ngoni tara bole kase sala ngoni pe sudara yang percaya yang makang samua macam makanang. Karna nanti satu waktu torang samua akan mangada pa Tuhan Allah di kursi raja untuk dapa adili.

Roma 14:3

Jadi, orang yang makang samua macam makanang, jang pandang enteng pa orang-orang yang cuma makang sayor saja, karna Tuhan Allah so tarima pa dorang. Kong orang yang cuma makang sayor, jang kase sala pa orang-orang yang bole makang samua macam makanang, karna Tuhan Allah me so tarima pa dorang.

Roma 7:9

Dulu, waktu kita bolong tau aturan di lima kitab Musa, kita pikir kita pe hidup so butul. Padahal waktu kita tau aturan di lima kitab Musa, baru kita sadar kita so biking dosa. Kong di kita pe hati, kita lebe tamba ingin skali mo biking dosa.