Lukas 18:43 - Perjanjian Baru Bahasa Melayu Maluku Utara

⁴³ Waktu itu suda, orang buta itu so bole dapa lia, turus dia iko pa Yesus deng puji-puji pa Tuhan Allah. Orang banya yang lia hal itu, dorang samua puji-puji pa Tuhan Allah.

Lukas 18:43 Iomraidhean Croise

Matius 11:5

orang buta so bisa dapa lia, orang lumpu so bisa bajalang, orang lepra so sembu, orang pongo so bisa dengar, orang mati so hidup ulang, deng orang miskin so dengar Kabar Bae dari Tuhan Allah.”

Matius 21:14

Abis itu, orang-orang buta deng orang-orang tempang datang pa Yesus di Ruma Ibada Pusat pe kompleks. Kong Dia kase sembu pa dorang.

Matius 9:8

Pe lia itu, orang banya itu jadi tako kong dorang puji deng hormat pa Tuhan Allah, barang Dia so kase kuasa yang basar itu pa manusia di dunia.

Lukas 13:17

Pe dengar Yesus pe bicara bagitu, samua orang yang jaga malawang pa Yesus jadi malu. Tapi orang banya, dorang sanang skali karna samua yang hebat yang Yesus biking itu.

Lukas 19:37

Waktu Dia so mo maso di kota Yerusalem, pas di jalang yang taturung dari Bukit Zaitun, samua orang yang jaga iko pa Yesus, dorang mulai basimore deng hati sanang puji pa Tuhan Allah. Dorang biking bagitu karna samua mujizat yang dorang so lia.

Lukas 4:39

Turus, Yesus pigi pa Simon pe mama mantu kong badiri pa dia pe pinggir, kong Dia user damang itu. Waktu itu suda, Simon pe mama mantu langsung sembu kong dia bangun, turus layani dorang makang.

Lukas 5:26

Pe lia apa yang jadi itu, samua orang herang kong puji deng hormat pa Tuhan Allah. Kong deng rasa tako dorang bilang bagini, “Hari ini torang so lia Tuhan biking hal-hal yang hebat.”

Kisah Para Rasul 11:18

Pe dengar bagitu, orang-orang Yahudi yang percaya pa Yesus so tara kase sala lagi pa Petrus. Dorang puji pa Tuhan Allah, bilang, “Jadi, orang-orang bukang Yahudi me Tuhan Allah so kase kesempatan untuk bertobat supaya dorang dapa hidup deng Tuhan Allah slama-lamanya.”

Kisah Para Rasul 26:18

Ngana ka sana untuk buka dorang pe pikiran supaya dorang tara hidup lagi di galap tapi hidup di tarang, supaya dorang talapas dari Iblis, setang-setang pe raja pe kuasa, kong Tuhan Allah pe kuasa mo ada sama-sama deng dorang. Kong karna dorang so percaya pa Kita, dorang pe dosa-dosa mo dapa ampun deng dorang mo dapa samua yang Tuhan Allah janji mo kase pa orang-orang yang Dia so biking jadi Dia pe umat.’

Kisah Para Rasul 4:21

Pe dengar itu, pemimpin-pemimpin agama Yahudi itu larang lebe karas pa Petrus deng Yohanes. Tapi biar bagitu me, dorang kase bebas pa Petrus deng Yohanes, karna pemimpin-pemimpin itu tara tau mo hukum apa pa dong dua. Dorang me tako jang sampe orang banya itu mo mangamo, karna orang banya di situ puji pa Tuhan Allah gara-gara orang lumpu itu so jadi sembu.

Galatia 1:24

Pe dengar itu, dorang puji deng hormat pa Tuhan Allah karna apa yang Tuhan Allah so biking dalam kita pe hidup.

1 Petrus 2:9

Tapi ngoni ini suda yang Tuhan Allah so pili jadi Dia pe umat, kong biking ngoni jadi sama deng imam yang jaga layani pa Dia yang jadi torang pe Raja. Dia kase pisa pa ngoni dari samua orang untuk jadi Dia pe umat sandiri, kong ngoni jadi Dia pe rakyat yang pe hati bersi pa Dia pe muka. Ngoni jadi bagitu, supaya ngoni bole kase tau pa orang-orang hal-hal luar biasa yang Dia so biking. Dia itu suda yang so pangge pa ngoni kaluar dari galap, maso pa Dia pe tarang yang luar biasa.