Lukas 18:16 - Perjanjian Baru Bahasa Melayu Maluku Utara

¹⁶ Tapi Yesus pangge ana-ana itu kong bilang pa Dia pe murit-murit, “Kase biar suda ana-ana itu datang pa Kita. Jang ngoni larang pa dorang, karna orang-orang yang tara sombong deng yang capat percaya sama deng ana-ana kacil ini, dorang itu yang kase dong pe diri pa Tuhan Allah la Dia Berkuasa sebagai Raja pa dorang pe hidup.

Lukas 18:16 Iomraidhean Croise

Matius 19:14

Jadi Yesus bilang pa Dia pe murit-murit itu, “Kase biar suda ana-ana itu datang pa Kita. Jang larang pa dorang, karna orang-orang yang tara sombong deng yang capat percaya sama deng ana-ana kacil ini, dorang itu yang kase dong pe diri pa Tuhan Allah la Dia Berkuasa sebagai Raja pa dorang pe hidup.”

Lukas 18:15

Satu kali, ada orang-orang datang bawa dong pe ana-ana yang masi kacil pa Yesus. Dorang bawa ana-ana itu supaya Yesus taru Dia pe tangan di atas pa dorang kong kase berdoa pa dorang. Pe lia itu, Yesus pe murit-murit mara pa orang-orang itu.

Lukas 18:17

Inga bae-bae yang Kita mo bilang pa ngoni ini: sapa yang tara tarima pa Tuhan Allah sama deng ana yang tara sombong, dia tara akan jadi Tuhan Allah pe umat yang Dia Berkuasa sebagai Raja pa dia pe hidup.”

Kisah Para Rasul 2:39

Barang, samua itu Tuhan Allah so janji pa ngoni deng pa ngoni pe turunan, deng pa orang-orang bukang Yahudi lagi. Janji itu Tuhan Allah mo kase pa samua orang yang Dia pangge iko pa Dia.”

1 Korintus 14:20

Sudara-sudara, mangarti bae-bae yang kita bilang tentang karunia-karunia itu, deng jang ngoni pe pikiran sama deng ana-ana. Tapi tentang barang yang jahat, ngoni pe pikiran musti sama deng ana-ana supaya ngoni tara bapikir untuk biking yang jahat.

1 Korintus 7:14

Karna ngoni yang percaya pa Tuhan Yesus, biar ngoni pe bini atau laki tara percaya, ngoni pe perkawinan Tuhan tarima karna ngoni laki bini so jadi satu. Kalu tara bagitu, ngoni pe ana-ana akan jadi sama deng ana-ana haram, tapi skarang Tuhan so tarima pa dorang jadi Dia pe umat sandiri.

1 Petrus 2:2

Ngoni musti suka skali Tuhan pe Firman, sama deng bayi yang baru lahir yang suka skali minum dia pe mama pe aer susu. Deng bagitu, ngoni pe percaya pa Tuhan mo lebe tatamba kuat kong ngoni akan dapa slamat dari dosa-dosa.