Lukas 18:14 - Perjanjian Baru Bahasa Melayu Maluku Utara

¹⁴ Jadi ini yang Kita mo bilang pa ngoni: tukang tagi pajak itu pulang pa dia pe ruma, kong Tuhan Allah biking dia jadi orang yang tara sala pa Tuhan Allah pe muka, tapi orang dari aliran Farisi itu, tarada. Barang, sapa saja yang baangka diri, Tuhan Allah mo biking dia jadi orang yang tara arti apa-apa. Tapi sapa yang anggap dia pe diri tara arti apa-apa pa Tuhan Allah pe muka, Tuhan Allah mo angka pa dia jadi orang yang penting.”

Lukas 18:14 Iomraidhean Croise

Matius 23:12

Barang, sapa saja yang baangka diri, Tuhan Allah mo biking dia jadi orang yang tara arti apa-apa. Tapi sapa yang anggap dia pe diri sama deng orang yang tara arti apa-apa, Tuhan Allah mo angka pa dia jadi orang yang penting.”

Matius 5:3

“Paling sanang suda orang-orang yang rasa dong pe diri tara pantas pa Tuhan Allah pe muka, karna dorang itu suda yang jadi Tuhan Allah pe umat yang Dia Berkuasa sebagai Raja.

Lukas 1:52

Dia kase turung raja-raja dari dorang pe jabatan, kong Dia angka pa orang-orang yang tarada arti apa-apa.

Lukas 10:29

Tapi guru agama Yahudi itu mau supaya orang tau dia pe diri itu so butul, jadi dia tanya pa Yesus lagi, “Kong orang laeng yang kita musti sayang itu sapa?”

Lukas 14:11

Barang, sapa saja yang baangka diri, Tuhan Allah mo biking dia jadi orang yang tara arti apa-apa. Tapi sapa yang anggap dia pe diri sama deng orang yang tara arti apa-apa, Tuhan Allah mo angka pa dia jadi orang yang penting.”

Lukas 16:15

Yesus bilang pa dorang, “Di orang pe muka, ngoni kase tunju diri butul, padahal tarada. Tuhan Allah tau ngoni pe hati. Inga e, apa yang manusia suka skali, itu yang Tuhan Allah paling tara suka.

Roma 3:20

Barang, tarada satu orang yang jadi orang yang butul pa Tuhan Allah pe muka karna dia iko aturan-aturan di lima kitab Musa. Mala dari aturan itu, torang jadi tau, torang berdosa.

Roma 4:5

Tapi torang tara bagitu. Torang jadi orang yang tara sala pa Tuhan Allah pe muka, bukang karna torang pe suar lala, tapi karna torang percaya pa Dia. Dia itu yang biking torang jadi orang yang tara sala pa Dia pe muka, bukang karna torang jaga biking barang yang butul, tapi karna torang pe percaya pa Dia. Dia itu yang bole biking orang yang malawang Dia pe parenta jadi orang yang tara sala pa Dia pe muka.

Roma 5:1

Tuhan Allah so biking torang jadi orang yang tara sala pa Dia pe muka karna torang percaya pa Yesus Kristus. Jadi torang deng Tuhan Allah pe hubungan so bae-bae ulang karna apa yang torang pe Tuhan Yesus Kristus so biking.

Roma 8:33

Tuhan Allah so pili pa torang jadi Dia pe umat, jadi sapa yang bisa kase sala pa torang? Tarada to, barang Tuhan Allah so biking torang jadi orang yang tara sala pa Dia pe muka.

Galatia 2:16

Tapi biar bagitu, torang tau, Tuhan Allah biking orang jadi tara sala pa Dia pe muka bukang karna dorang iko aturan di lima kitab Musa, tapi karna dorang percaya pa Kristus Yesus. Karna itu, torang orang Yahudi, torang me percaya pa Kristus Yesus supaya deng torang pe percaya itu, Tuhan Allah biking torang jadi orang yang tara sala pa Dia pe muka, bukang karna torang ada biking aturan-aturan di lima kitab Musa. Karna di Kitab Suci ada tatulis bagini, “Tara ada orang yang jadi butul pa Tuhan Allah pe muka gara-gara dia ada biking aturan-aturan di lima kitab Musa.”

Yakobus 4:10

Ngoni musti hidup sama deng orang yang tara arti apa-apa pa Tuhan Allah pe muka, kong deng bagitu, Dia mo biking ngoni jadi orang yang penting pa Dia pe muka.

Yakobus 4:6

Tapi untung bae Tuhan Allah kase Dia pe bae pa torang lebe basar. Jadi Dia bilang bagini, “Tuhan Allah tara suka deng orang yang sombong, tapi Dia kase Dia pe bae pa orang yang tara sombong.”