Lukas 18:13 - Perjanjian Baru Bahasa Melayu Maluku Utara

¹³ Tapi tukang tagi pajak itu, dia badiri jao-jao. Dia tara barani mangada di langit, tapi dia sapu-sapu dia pe dada tanda manyasal, kong babilang, ‘Ya Tuhan Allah, kasiang ka pa kita. Kita ini orang berdosa.’

Lukas 18:13 Iomraidhean Croise

Matius 10:3

Filipus, Bartolomeus, Tomas, Tadeus, Matius (tukang tagi pajak), deng Yakobus (Alfeus pe ana).

Matius 6:5

Yesus bilang lagi, “Kalu ngoni berdoa, jang berdoa sama deng orang munafik. Barang, dorang itu kalu berdoa suka badiri di ruma-ruma ibada agama Yahudi deng di muka umum, dong pe maksut supaya orang lia deng puji pa dorang. Dengar bae-bae e, pujian yang dorang dapa dari manusia itu, itu suda dorang pe upah.

Matius 9:13

Dulu Tuhan Allah bilang di Kitab Suci bagini, ‘Yang Kita mau itu, ngoni kase tunju ngoni pe rasa kasiang pa orang laeng, daripada ngoni bakase binatang korban persembahan kong tarada rasa kasiang.’ Jadi skarang ngoni pigi suda cari tau butul-butul apa yang Tuhan Allah bilang itu pe arti. Karna Kita datang bukang untuk pangge pa orang yang anggap dong pe diri butul, tapi Kita datang untuk pangge pa orang berdosa supaya dorang bertobat.”

Markus 11:25

Tapi kalu ngoni berdoa kong ngoni pe hati tara sanang pa orang yang biking sala pa ngoni, ngoni musti kase ampun pa orang itu dulu, supaya ngoni pe Bapa di sorga me akan kase ampun pa ngoni dari ngoni pe dosa-dosa.”

Lukas 17:12

Kong waktu Dia maso di kampong satu, ada spulu orang yang saki lepra datang baku dapa deng Dia. Dorang badiri sadiki jao dari Dia.

Lukas 22:41

Kong Yesus bajao sadiki dari dorang kira-kira tiga pulu meter. Turus, Dia berlutut kong berdoa,

Lukas 23:48

Kong samua orang banya yang ada bakumpul di situ, waktu dorang lia apa yang jadi, dorang pulang, dong pukul-pukul dong pe dada sandiri tanda dorang manyasal.

Lukas 5:8

Waktu Simon lia Yesus pe kuasa itu, dia berlutut pa Yesus pe muka, kong bilang bagini, “Tuhan, kase tinggal pa kita suda, karna kita ini orang berdosa!”

Kisah Para Rasul 2:37

Waktu orang banya dengar apa yang Petrus bilang itu, dorang manyasal skali kong tanya pa Petrus deng pa rasul-rasul yang laeng, “Sudara-sudara, torang so sala, jadi skarang torang musti biking apa, supaya Tuhan Allah jang hukum pa torang?”

Roma 5:8

Tapi Tuhan Allah pe sayang pa torang itu tara bagitu. Waktu torang masi berdosa, Yesus Kristus mati untuk torang. Itu yang kase tunju Tuhan Allah pe sayang yang basar pa torang.

2 Korintus 7:11

Coba ngoni inga sedi yang ngoni rasa waktu baca kita pe surat yang kamuka itu. Sedi itu yang Tuhan Allah mau, karna sedi itu biking ngoni berusaha untuk biking barang yang butul, bagini: ngoni dapa smangat untuk biking Tuhan pe mau, ngoni kase bersi ngoni pe nama dari apa yang orang tudu pa ngoni, ngoni mara pa orang-orang yang biking dosa, ngoni jadi tako kalu tara butul-butul iko pa Tuhan, ngoni ingin baku dapa deng torang, deng ngoni lagi tara tako untuk hukum pa orang-orang yang biking sala. Samua yang ngoni biking itu kase tunju ngoni tara sala.

1 Timotius 1:15

Kata-kata yang kita mo bilang ini, butul skali. Ngana musti tarima deng percaya deng hati yang sunggu-sunggu bagini, “Kristus Yesus datang di dunia untuk kase slamat orang berdosa.” Kong dari samua orang yang perna biking dosa, kita ini suda yang paling banya biking dosa.

Ibrani 4:16

Karna itu, jang torang tako lagi, tapi mari suda torang badekat untuk berdoa pa Tuhan Allah, torang pe Raja yang pe hati bae. Torang berdoa pa Dia itu, supaya Dia tolong pa torang sampe torang tarima Dia pe rasa kasiang deng Dia pe bae, pas di waktu yang torang perlu.

Ibrani 8:12

Dorang akan kanal pa Kita karna Kita mo kase tunju Kita pe rasa kasiang pa dorang, sampe Kita kase ampun dorang pe dosa-dosa, deng Kita so tara inga-inga lagi dorang pe dosa-dosa.”