Lukas 17:30 - Perjanjian Baru Bahasa Melayu Maluku Utara

³⁰ Bagitu me, orang-orang tara akan siap waktu Anak Manusia datang dari sorga.

Lukas 17:30 Iomraidhean Croise

Matius 16:27

Barang, Anak Manusia yang dari sorga mo datang ulang di dunia ini, sama-sama deng Bapa pe malaekat-malaekat deng Dia pe kuasa yang luar biasa. Kong waktu itu, Anak Manusia mo balas pa tiap orang iko deng apa yang dorang so biking.

Matius 24:3

Abis itu, Yesus pigi di Bukit Zaitun, kong dudu di situ. Dia pe murit-murit badekat pa Dia la cuma dorang deng Dia saja yang bacarita. Dorang bilang, “Guru, kase tau pa torang ka, tempo apa yang Guru bilang tadi itu mo jadi? Turus, dia pe tanda-tanda apa kalu Guru mo datang ulang, deng tanda-tanda hari kiamat itu bagimana e?”

Matius 24:37

Barang, kalu Anak Manusia yang dari sorga datang ulang, itu sama deng waktu jaman nabi Nuh dulu.

Matius 24:39

Kong orang-orang itu tara tau banjir basar mo datang. Nanti dorang so tenggelam, baru dorang sadar. Sama deng bagitu lagi, nanti orang-orang tara siap waktu Anak Manusia yang dari sorga so datang ulang.

Matius 26:64

Turus Yesus jawab, “Bapa sandiri so bilang bagitu. Tapi Kita bilang pa ngoni, nanti ngoni mo lia Anak Manusia yang dari sorga dudu di tampa yang terhormat pa Tuhan Allah Yang Paling Berkuasa pe sabla kanan, kong datang di atas awan-awan di langit.”

Markus 13:26

Kong waktu itu, orang akan dapa lia Anak Manusia dari sorga datang dalam awan-awan deng samua kuasa deng cahaya yang luar biasa.

Lukas 17:24

Karna waktu Anak Manusia yang dari sorga mo datang ulang, samua orang di dunia bisa lia. Itu sama deng kilat bapancar dari langit pe ujung yang satu sampe di ujung yang laeng.

Lukas 17:29

Tapi waktu Lot kaluar dari kota Sodom, api deng belerang turung dari langit sama deng ujang kong bakar kase mati pa dorang samua.

Lukas 21:22

Karna hari-hari itu, Tuhan Allah mo kase hukuman, supaya apa yang ada janji di Kitab Suci itu samua mo jadi.

Lukas 21:27

Kong waktu itu suda, orang akan dapa lia pa Anak Manusia yang dari sorga di tenga-tenga awan deng samua kuasa deng cahaya yang luar biasa.

1 Korintus 1:7

Jadi deng ngoni so tarima karunia dari Roh Kudus itu, ngoni so tara kurang karunia apa-apa lagi. Ngoni so tarima samua karunia dari Roh Kudus waktu ngoni sementara tunggu-tunggu torang pe Tuhan Yesus Kristus datang ulang.

1 Korintus 1:8

Dia lagi akan kase kuat turus ngoni pe percaya sampe Dia datang ulang, supaya di waktu itu, Dia dapa ngoni tara sala apa-apa.

Kolose 3:4

Yesus Kristus itu suda yang ruba ngoni pe hidup jadi baru. Jadi nanti waktu Dia datang ulang yang kedua kali, samua orang akan lia pa Dia deng lia pa ngoni lagi, kong ngoni dapa puji deng hormat sama-sama deng Dia.

2 Tesalonika 1:7

Kong Dia mo biking ngoni deng torang samua bebas dari siksa yang skarang ini torang rasa. Itu samua nanti mo jadi waktu Tuhan Yesus datang dari sorga sama-sama deng Dia pe malaekat-malaekat deng kuasa yang basar. Dia mo turung deng api yang mamanyala.

1 Petrus 1:13

Jadi karna ngoni so tau Kabar Bae itu, ngoni musti siap biking hal-hal yang bae, ngoni musti kuasai ngoni pe diri, deng ngoni musti baharap deng yakin Tuhan akan kase Dia pe bae pa ngoni waktu Yesus Kristus datang ulang.

1 Petrus 1:7

Sengsara yang ngoni dapa itu jadi bukti, ngoni butul-butul percaya pa Tuhan. Itu sama deng mas yang kalu mo tau dia pe asli musti bakar dulu deng api. Tapi ngoni pe percaya lebe berharga dari mas, karna mas itu tara akan ada turus-turus. Kalu ngoni so lolos dari cobaan itu, nanti di hari kiamat, waktu Yesus Kristus datang ulang, Dia mo puji deng hormat pa ngoni.

1 Petrus 4:13

Tapi lebe bae, ngoni sanang suda deng siksa yang ngoni dapa itu, karna itu berarti, ngoni so rasa sadiki siksa yang perna Yesus Kristus rasa. Deng bagitu, nanti waktu Dia datang ulang kong kase tunju Dia pe kuasa yang luar biasa, ngoni akan sanang deng basimore skali.

1 Yohanes 2:28

Ngoni yang kita sayang sama deng kita pe ana-ana, ngoni musti tetap hidup satu hati deng Yesus Kristus, supaya waktu Dia datang ulang, torang so tara tako deng tara malu mo mangada pa Dia.

1 Yohanes 3:2

Sudara-sudara yang kita sayang, skarang torang ini Tuhan Allah pe ana-ana. Jadi torang tau, nanti waktu Yesus Kristus, Raja yang Tuhan Allah pili itu so datang ulang, torang mo jadi sama deng Dia, barang torang mo lia pa Dia yang sebenarnya. Tapi tentang torang pe hidup nanti bagimana, Dia bolong kase tau samua pa torang.

Wahyu 1:7

Jadi, ngoni dengar ini bae-bae! So tara lama Yesus mo datang di tenga-tenga awan. Kong samua orang akan lia pa Dia. Bagitu lagi deng orang-orang yang dulu tikam pa Dia pake tombak me akan lia pa Dia. Samua suku di dunia akan manyasal kong manangis waktu lia pa Dia. Samua itu memang pasti mo jadi. Amin.