Lukas 17:3 - Perjanjian Baru Bahasa Melayu Maluku Utara

³ Karna itu, ngoni musti ati-ati! Kalu ngoni masing-masing pe tamang yang sama-sama percaya, biking sala pa ngoni, ngoni musti togor pa dia, deng kalu dia mangaku sala, ngoni musti kase maaf pa dia.

Lukas 17:3 Iomraidhean Croise

Matius 18:21

Abis itu, Petrus datang pa Yesus kong tanya, “Guru, kalu kita pe sudara yang percaya biking sala pa kita turus, sampe barapa kali kita musti kase ampun pa dia? Sampe tuju kali ka?”

Lukas 21:34

Yesus bilang lagi, “Jaga ngoni pe diri bae-bae, jang sampe ngoni cuma bapikir tentang pesta sasaja deng baminum sampe mabo, atau ngoni kase hawater tentang ngoni pe hidup hari-hari. Karna kalu ngoni pe pikiran macam bagitu, ngoni tara akan siap waktu Anak Manusia yang dari sorga datang tiba-tiba, itu sama deng binatang yang tiba-tiba takanal dodeso.

Efesus 5:15

Jadi perhatikan bae-bae ngoni pe cara hidup, jang jadi sama deng orang yang tara tau apa-apa. Tapi ngoni musti hidup sama deng orang yang tau mana yang bae deng mana yang jahat.

Ibrani 12:15

Ngoni musti ati-ati. Jang sampe ada dari ngoni yang kase tinggal dia pe percaya pa Tuhan Allah sampe dia tara rasa lagi Tuhan Allah pe bae. Barang, orang yang kase tinggal dia pe percaya pa Tuhan Allah, dia itu pe hati saki, jadi jaga pengaru pa banya orang. Orang itu bole kase sama deng tanaman yang ada dia pe racong kong kase rusak tanaman laeng.

Yakobus 5:19

Sudara-sudara, kalu ada dari ngoni yang dulu percaya pa Tuhan tapi so tara iko lagi Tuhan pe ajaran, lebe bae ada orang yang bantu pa dia supaya dia bale ulang pa Tuhan.

2 Yohanes 1:8

Jadi ngoni musti jaga bae-bae ngoni pe percaya pa Yesus Kristus, supaya torang pe karja kase tau Kabar Bae pa ngoni itu tetap ada dia pe guna, deng supaya ngoni tetap dapa ngoni pe upah yang Tuhan Allah so janji.