Lukas 17:21 - Perjanjian Baru Bahasa Melayu Maluku Utara

²¹ Karna itu, orang tara bole bilang: ‘Coba lia, dia ada di sini,’ atau ‘Dia ada di sana!’ Karna Tuhan Allah so Berkuasa sebagai Raja skarang ini pa ngoni pe tenga-tenga.”

Lukas 17:21 Iomraidhean Croise

Matius 12:28

Tapi Kita, kalu Kita user setang-setang pake Tuhan Allah pe Roh pe kuasa, itu berarti Tuhan Allah so Berkuasa sebagai Raja pa ngoni pe tenga-tenga.

Markus 13:21

Waktu itu, kalu ada orang bilang pa ngoni, ‘Coba lia! Mesias ada di sini!’ Atau dorang bilang, ‘Coba lia! Mesias ada di sana!’ Jang ngoni percaya apa yang dorang bilang itu.

Lukas 17:23

Deng orang akan bilang pa ngoni, ‘Coba lia, Dia ada di sana,’ atau ‘Dia ada di sini!’ Tapi jang ngoni pigi di situ, jang iko pa dorang itu.

Lukas 21:8

Yesus bilang pa dorang, “Ngoni ati-ati e, jang sampe ngoni dapa tipu. Barang, banya orang akan datang pake Kita pe nama, deng dorang bilang bagini, ‘Kita ini Dia suda, Raja yang Tuhan Allah janji mo kase slamat pa manusia!’ Dorang me akan bilang, hari kiamat so dekat. Tapi jang ngoni iko pa dorang itu.

Yohanes 1:26

Yohanes jawab pa dorang, “Kita baptis orang deng aer, tapi ada satu Orang di ngoni pe tenga-tenga yang ngoni bolong kanal.

Yohanes 18:36

Kong Yesus bilang pa dia, “Kita pe kerajaan bukang dari dunia ini. Barang, kalu Kita jadi Raja di dunia ini, pasti orang-orang yang jaga biking apa yang Kita suru so datang baku prang untuk bela pa Kita, supaya Kita tara dapa serakan pa pemimpin-pemimpin agama Yahudi. Tapi Kita pe kerajaan memang bukang di dunia ini.”

Roma 14:17

Karna kalu Tuhan Allah Berkuasa sebagai Raja pa torang pe hidup, yang penting itu bukang apa yang torang makang deng minum. Tapi Tuhan Allah mau torang hidup butul, baku bawa bae-bae, deng torang pe hati sanang karna Roh Kudus ada di torang pe hati.

Kolose 1:27

Yang Tuhan Allah kase mangarti pa dorang itu, Dia pe rencana yang paling hebat deng luar biasa pa ngoni orang-orang bukang Yahudi. Dia pe rencana itu bagini: Yesus Kristus tinggal di ngoni pe hati, jadi ngoni bole baharap deng yakin, nanti ngoni me sama-sama deng Dia di Dia pe tampa yang luar biasa.