Lukas 17:2 - Perjanjian Baru Bahasa Melayu Maluku Utara

² Lebe bae ika orang itu pe leher deng gantong batu basar satu pa dia, kong buang pa dia di dalam laut. Lebe bae dia mati bagitu, daripada dia biking satu dari orang yang pe percaya bolong kuat jadi berdosa.

Lukas 17:2 Iomraidhean Croise

Matius 17:27

Bagitu lagi deng torang, tong ini Tuhan Allah pe ana-ana, jadi sebenarnya tong tara usa bayar pajak untuk Tuhan Allah pe Ruma Ibada. Tapi supaya dorang tara tersinggung, ngana pigi suda di talaga la mangael ikang. Ambe ikang yang pertama skali ngana dapa, kong buka dia pe mulu. Di situ ngana mo dapa doi yang cukup untuk bayar torang dua pe pajak untuk Ruma Ibada Pusat. Ngana ambe suda doi itu kong bayar tong dua pe pajak.”

Matius 18:10

Yesus bilang lagi, “Inga bae-bae, jang ngoni pandang enteng pa orang biasa-biasa yang sama deng ana-ana kacil ini, karna orang-orang itu ada dong pe malaekat yang salalu ada deng Tuhan Allah di sorga. [

Matius 18:14

Bagitu lagi deng ngoni pe Bapa di sorga, Dia tara mau Dia pe ana-ana ada yang ilang dari Dia, biar cuma satu saja.”

Matius 26:24

Memang Anak Manusia yang dari sorga akan mati sama deng yang Tuhan Allah so tentukan dulu. Nabi-nabi so tulis bagitu di Kitab Suci. Tapi cilaka suda orang yang bahianat pa Anak Manusia, dia akan dapa hukuman yang barát! Orang itu lebe bae dia tara usa lahir di dunia ini.”

Markus 9:42

Yesus bilang lagi pa dorang bagini, “Kalu ada orang yang biking sampe orang biasa-biasa sama deng ana kacil ini jadi tara percaya pa Kita lagi, lebe bae ika orang itu pe leher deng gantong batu basar satu pa dia, kong buang pa dia di dalam laut.

Yohanes 21:15

Waktu dorang so abis makang, Yesus batanya pa Simon Petrus, “Simon, Yohanes pe ana, apa ngana sayang pa Kita lebe dari dorang ini?” Simon jawab pa Yesus, “Iyo Tuhan, Tuhan tau, kita sayang pa Tuhan.” Yesus bilang pa dia, “Kalu bagitu, urus bae-bae Kita pe umat, sama deng gembala yang urus bae-bae dia pe domba-domba.”

1 Korintus 9:15

Tapi biar Tuhan Allah bilang kita ada hak bagitu, kita tara perna pake hak itu. Kong kita tulis surat ini, kita me tarada maksut mo minta apa-apa dari ngoni. Karna kita sanang kita bisa kase tau Kabar Bae tentang Yesus Kristus pa ngoni deng tara minta apa-apa dari ngoni. Lebe bae kita mati daripada kita pe suar lala itu kase ganti deng doi.

1 Korintus 9:22

Waktu kita sama-sama deng orang yang dong pe percaya pa Tuhan Yesus bolong kuat, kita batamang deng dorang kong tara biking apa-apa yang dong anggap tara bagus, supaya kita bole pengaru pa dorang la jadi percaya kuat pa Tuhan Yesus, biar cuma sadiki orang dari dorang yang iko.