Lukas 17:16 - Perjanjian Baru Bahasa Melayu Maluku Utara

¹⁶ Turus dia berlutut di Yesus pe kaki kong bilang tarimakasi pa Yesus. Dia itu orang Samaria.

Lukas 17:16 Iomraidhean Croise

Matius 10:5

Yesus utus Dia pe murit dua blas orang itu deng kase pasáng pa dorang, “Jang ngoni pigi di orang yang bukang Yahudi, atau jang ngoni maso di orang Samaria pe kota-kota.

Matius 2:11

Kong waktu dorang maso di dalam ruma, dong lia Anak itu ada deng Dia pe mama, Maria. Turus, dong berlutut semba pa Anak itu. Dorang buka dong pe tampa harta kong kase kaluar barang-barang mahal yang dong bawa la kase pa Anak itu. Barang-barang yang dong kase itu: mas, kemenyan deng minya wangi mur.

Markus 5:33

Parampuang itu tako skali sampe totofore, karna dia tau dia yang sontong Yesus pe juba sampe dia sembu. Jadi, dia berlutut pa Yesus pe muka kong carita samua bagimana sampe dia bisa sembu.

Lukas 17:17

Turus Yesus bilang, “Ada spulu orang yang Kita kase bae tadi, kong yang sembilan itu di mana?

Lukas 5:8

Waktu Simon lia Yesus pe kuasa itu, dia berlutut pa Yesus pe muka, kong bilang bagini, “Tuhan, kase tinggal pa kita suda, karna kita ini orang berdosa!”

Yohanes 4:9

Parampuang Samaria itu bilang pa Yesus, “Bapa, Bapa ini orang Yahudi to? Masa Bapa minta aer minum dari kita, orang Samaria?” (Dia bilang bagitu, barang orang Yahudi tara biasa batamang deng orang Samaria, karna orang Yahudi anggap dorang itu najis).

Yohanes 5:23

Bapa kase tugas itu pa Dia pe Anak supaya samua orang hormati pa Bapa pe Anak sama deng dorang hormati pa Bapa. Sapa saja yang tara hormati pa Dia pe Anak, dia lagi tara hormati pa Bapa yang utus pa Dia pe Anak itu.

Yohanes 8:48

Pemimpin-pemimpin agama Yahudi langsung hina pa Yesus, “Ee Bapa, memang butul yang torang bilang, Bapa ini bukang orang Israel, tapi Bapa ini orang Samaria yang so kemasukan setang.”

Kisah Para Rasul 1:8

Tapi nanti Roh Kudus mo turung pa ngoni, baru ngoni mo dapa kuasa. Kong deng kuasa itu, ngoni mo jadi Kita pe saksi la pigi kase tau tentang Kita pa orang-orang di kota Yerusalem, di daera Yudea, daera Samaria, sampe di tampa-tampa yang jao skali di dunia ini.”

1 Korintus 14:25

Kong samua yang tasambunyi di dong pe hati akan dapa tau. Turus, dong akan berlutut kong semba pa Tuhan Allah deng mangaku bagini, “Ee, butul e! Tuhan Allah ada pa ngoni pe tenga-tenga!”

Wahyu 19:10

Kong kita berlutut di malaekat itu pe muka la mo semba pa dia. Tapi dia togor pa kita bagini, “Jangan! Jang ngana semba pa kita! Semba saja pa Tuhan Allah. Karna kita ini cuma sama deng ngana deng sudara-sudara laeng yang jaga biking apa yang Tuhan suru. Torang samua ini yang jaga kase tau tentang Yesus pa orang-orang. Sapa yang kase tau itu, dia itu butul-butul yang Roh Kudus pake untuk kase tau Tuhan Allah pe pasáng.”

Wahyu 4:10

dua pulu ampa pemimpin itu berlutut semba pa Dia yang dudu di kursi raja itu. Dia itu yang hidup slama-lamanya. Kong waktu itu, dorang buka dong pe makota, turus dorang taru di muka kursi raja itu deng bilang bagini,

Wahyu 5:14

Kong ampa binatang luar biasa itu sama-sama bilang, “Amin!” Turus, dua pulu ampa pemimpin itu berlutut semba pa Tuhan Allah sampe dong pe muka kanal di tana.