Lukas 16:8 - Perjanjian Baru Bahasa Melayu Maluku Utara

⁸ Waktu orang kaya itu dengar dia pe orang karja yang tara jujur itu biking bagitu, dia puji. Barang, dia pe orang karja itu pande ambe hati pa orang-orang supaya dorang bole tolong pa dia nanti. Memang orang-orang yang salalu iko dunia pe mau lebe pintar baakal daripada orang yang hidup dalam tarang yang iko Tuhan Allah pe mau.

Lukas 16:8 Iomraidhean Croise

Matius 12:32

Kalu ada orang yang bilang apa-apa yang malawang pa Anak Manusia yang dari sorga, dia masi bole mo dapa ampun. Tapi kalu orang bilang apa-apa yang malawang pa Roh Kudus, dia tara mo dapa ampun, skarang atau sampe slama-lamanya.”

Matius 17:26

Kong Petrus jawab, “Tantu orang laeng.” Turus, Yesus bilang pa dia, “Butul itu. Jadi dorang pe ana-ana sandiri tara perlu babayar pajak.

Lukas 16:10

Orang yang dapa percaya untuk hal-hal kacil, dia akan dapa percaya untuk hal-hal basar. Turus, orang yang tara dapa percaya untuk hal-hal kacil, dia me tara dapa percaya untuk hal-hal yang basar.

Lukas 16:4

Aa, kita tau apa yang musti kita biking, supaya kalu kita so dapa pecat, ada yang mo tarima kita pa dorang pe ruma.’

Lukas 16:7

Abis itu, dia bilang pa orang yang kedua, ‘Barapa ngana pe utang pa kita pe tuang?’ Orang itu jawab, ‘Gandum saribu karong.’ Kong orang karja itu bilang pa dia, ‘Ini ngana pe nota. Skarang tulis delapan ratus karong saja.’

Lukas 18:6

Turus Tuhan Yesus bilang, “Perhatikan bae-bae apa yang hakim tara adil itu bilang! Itu jadi pelajaran pa ngoni.

Lukas 20:34

Kong Yesus bilang pa dorang, “Orang-orang yang masi hidup di dunia ini kawing.

Lukas 20:35

Tapi orang-orang yang Tuhan Allah anggap pantas untuk hidup di sorga, dorang itu nanti Dia mo kase hidup ulang, deng dorang itu so tara kawing lagi.

Yohanes 12:36

Selama Tarang ini ada di sini, percaya suda pa Tarang ini, supaya ngoni jadi ana-ana Tarang.” Abis Yesus bilang bagitu, Dia pigi basambunyi dari dorang.

1 Korintus 3:18

Kalu ngoni anggap ngoni pe diri pande, itu ngoni so tipu ngoni pe diri sandiri, karna ngoni cuma pande di manusia pe muka saja. Lebe bae, ngoni tarima Tuhan Allah pe ajaran. Deng bagitu, biar manusia di dunia anggap ngoni bodo, tapi Tuhan Allah anggap ngoni pande.

Efesus 5:8

Memang dulu, ngoni pe kalakuang me tara bae, sama deng orang-orang yang hidup dalam galap. Tapi skarang, karna ngoni so percaya pa Tuhan, itu sama deng ngoni so hidup dalam tarang. Jadi ngoni pe hidup musti bae-bae sama deng ana-ana tarang.

Filipi 3:19

Orang-orang yang pe hidup macam bagitu, mo tapisa deng Tuhan Allah slama-lamanya. Orang-orang itu tara iko Tuhan pe mau, mala dorang cuma biking puas dong pe diri sandiri, sampe itu suda yang jadi paling penting pa dorang pe hidup. Dorang biking hal-hal yang sebenarnya biking dong malu, tapi dong pikir dong hebat, dong suka orang puji dong biking bagitu, kong dorang cuma pikir dunia pe mau saja.

1 Tesalonika 5:5

Ngoni samua itu hidup di tarang. Jadi torang samua pe hidup tara sama deng orang-orang yang pe kalakuang tara bae, dorang yang hidup di dalam galap.

1 Petrus 2:9

Tapi ngoni ini suda yang Tuhan Allah so pili jadi Dia pe umat, kong biking ngoni jadi sama deng imam yang jaga layani pa Dia yang jadi torang pe Raja. Dia kase pisa pa ngoni dari samua orang untuk jadi Dia pe umat sandiri, kong ngoni jadi Dia pe rakyat yang pe hati bersi pa Dia pe muka. Ngoni jadi bagitu, supaya ngoni bole kase tau pa orang-orang hal-hal luar biasa yang Dia so biking. Dia itu suda yang so pangge pa ngoni kaluar dari galap, maso pa Dia pe tarang yang luar biasa.

1 Yohanes 3:10

Torang bisa tau sapa yang jadi Tuhan Allah pe ana-ana deng sapa yang jadi Iblis pe ana-ana. Orang yang tara biking Tuhan Allah pe mau deng tara sayang pa dia pe sudara yang percaya pa Tuhan, dia itu bukang Tuhan Allah pe ana.