Lukas 16:26 - Perjanjian Baru Bahasa Melayu Maluku Utara

²⁶ Apalagi antara ngana deng torang, Tuhan ada biking jurang yang dolom deng lebar skali, supaya orang yang ada di sini tara bisa ka sana, deng orang yang di sana tara dapa kamari!’

Lukas 16:26 Iomraidhean Croise

Matius 25:46

Turus Yesus bilang lagi, “Orang-orang yang jahat itu akan pigi ka sana di api yang tara mati-mati itu slama-lamanya. Tapi orang yang hidup biking barang yang butul, akan hidup deng Tuhan Allah slama-lamanya.”

Lukas 12:59

Inga bae-bae, ngoni tara akan kaluar dari penjara itu sebelum ngoni bayar lunas samua biaya sidang yang hakim suru bayar.”

Lukas 16:25

Tapi Abraham bilang bagini, ‘Ana e, inga dulu waktu ngana masi hidup di dunia, ngana so dapa samua yang bae. Tapi kasiang Lazarus, selama hidup, dia cuma dapa samua yang tara bae saja. Jadi skarang dia dapa sanang di sini, kong ngana dapa sengsara.

Lukas 16:27

Turus orang kaya itu bilang lagi, ‘Kalu bagitu, kita minta tolong, bapa suru pa Lazarus pigi pa kita pe papa pe ruma.

Yohanes 3:36

Jadi, sapa yang percaya pa Dia pe Anak itu, dia mo dapa hidup deng Tuhan Allah slama-lamanya, kong sapa yang tara iko Anak itu pe mau, dia tara mo dapa hidup deng Tuhan Allah slama-lamanya, tapi Tuhan Allah pe hukuman ada pa dia slama-lamanya.

Wahyu 20:10

Turus, Iblis yang kase sesat pa orang-orang itu dapa lempar di api belerang yang luas skali. Binatang jahat deng nabi palsu so dapa buang kamuka di situ. Kong dorang samua dapa siksa siang deng malam sampe slama-lamanya.

Wahyu 22:11

Orang yang biking jahat, kase biar dong biking jahat. Orang yang berdosa, kase biar dong biking dosa. Orang yang hidup butul, biar dong hidup butul turus pa Tuhan Allah pe muka. Orang yang hidup bersi pa Tuhan Allah pe muka, biar dong hidup bersi turus!”