Lukas 16:24 - Perjanjian Baru Bahasa Melayu Maluku Utara

²⁴ Turus orang kaya itu bicara kuat-kuat bagini, ‘Bapa Abraham, kasiang pa kita ka! Suru pa Lazarus colo dia pe jari di aer kong kase basa kita pe lida ka. Barang kita menderita skali di api ini!’

Lukas 16:24 Iomraidhean Croise

Matius 25:41

Turus, Dia mo babilang pa orang-orang yang ada pa Dia pe sabla kiri bagini, ‘Bajao suda dari sini ngoni orang-orang yang Tuhan so kutuk, kong ka sana suda maso di api yang tara mati-mati itu, yang so kase sadia untuk Iblis deng dia pe ana-ana bua.

Matius 3:9

Jang ngoni kira ngoni so bebas dari hukuman karna ngoni Abraham pe turunan. Kita bilang pa ngoni, kalu Tuhan Allah mau, Dia bisa biking batu-batu ini jadi Abraham pe turunan.

Matius 5:22

Tapi Kita mo bilang pa ngoni e, sapa yang mara saja pa dia pe sudara, dia musti dapa hukum. Kong sapa yang momake pa dia pe sudara, musti dapa urus di agama Yahudi pe kumpulan yang paling tinggi yang pe nama Mahkama Agama. Deng sapa yang bilang dia pe sudara bodo, dia musti dapa hukum di api neraka yang mamanyala.

Lukas 16:30

Kong orang kaya itu bilang bagini, ‘Itu bolong cukup, bapa Abraham. Musti ada satu dari orang mati yang hidup ulang kong pigi kase tau pa dorang la dorang bertobat.’

Lukas 19:9

Turus Yesus bilang pa dia, “Hari ini, Tuhan Allah so kase slamat dari dosa-dosa pa ngoni yang tinggal di ruma ini, karna ngana so kase tunju, ngana ini butul-butul Abraham pe turunan.

Lukas 3:8

Kalu ngoni butul so bertobat, ngoni musti biking hal yang bae turus supaya ada bukti ngoni itu so bertobat. Itu sama deng pohong yang subur, dia pe bua me bagus-bagus. Jang ngoni pikir ngoni so bebas dari hukuman karna ngoni Abraham pe turunan. Kita bilang pa ngoni, kalu Tuhan Allah mau, Dia bisa biking batu-batu ini jadi Abraham pe turunan.

Yohanes 4:10

Turus Yesus bilang pa dia, “Kalu ibu tau sapa sebenarnya yang minta minum pa ibu, deng pe bagus apa itu yang Tuhan Allah mo kase pa ibu, pasti ibu yang mo bale minta minum pa Kita kong Kita mo kase aer yang bisa biking manusia hidup.”

Yohanes 4:14

Tapi sapa saja yang minum aer yang Kita mo kase, dia tara akan aus lagi untuk slama-lamanya. Lebe-lebe lagi aer yang Kita mo kase pa dia, nanti mo jadi sama deng mata aer di dia pe dalam diri yang tara mo berenti-berenti, sampe dia bole dapa hidup deng Tuhan Allah slama-lamanya.”

Yohanes 7:37

Waktu so hari terahir di hari raya Pondok Daong itu, pas di acara puncak, Yesus badiri kong bilang deng suara kuat, “Sapa saja yang aus, mari dia datang pa Kita supaya Kita kase minum.

Roma 4:12

Kong Abraham me jadi papa pa torang orang-orang Yahudi yang iko aturan sunat di lima kitab Musa. Dia jadi torang pe papa bukang karna torang dapa sunat tapi karna torang pe percaya pa Tuhan Allah sama deng Abraham pe percaya waktu dia bolong dapa sunat.

2 Tesalonika 1:8

Kong Dia mo hukum orang-orang yang tara mau kanal pa Tuhan Allah deng yang tara mau iko Kabar Bae tentang Yesus Kristus, torang pe Tuhan.

Yakobus 2:13

Barang, waktu Tuhan Allah mo adili pa manusia nanti, Dia tara rasa kasiang pa orang-orang yang tara ada rasa kasiang pa orang laeng. Tapi orang-orang yang pe hidup ada rasa kasiang pa orang laeng, Tuhan Allah tara hukum pa dorang.

Yakobus 3:6

Mulu me sama deng api. Dia itu satu bagian dari torang pe badan yang bole biking torang pe badan jadi jahat. Mulu itu bisa biking torang pe hidup jadi rusak samua. Mulu jadi jahat bagitu, karna sama deng Iblis so taru api neraka di dalam mulu.

Wahyu 19:20

Tapi, Dia deng Dia pe tentara-tentara langsung tangka pa binatang jahat itu deng tangka pa binatang jahat itu pe nabi palsu. Nabi palsu itu yang perna biking tanda-tanda yang biking orang herang, pake binatang itu pe kuasa. Dia biking tanda-tanda itu la biking sesat pa orang-orang yang so tarima cap dari binatang jahat itu, deng yang so semba pa binatang jahat itu pe patong. Binatang jahat deng nabi palsu itu dapa buang hidup-hidup di api belerang yang luas skali.

Wahyu 20:15

Tiap orang yang dia pe nama tara tatulis di buku kehidupan itu, dia dapa lempar di dalam api yang luas skali itu.

Wahyu 22:1

Abis itu, malaekat itu kase tunju pa kita kali satu. Kali itu dia pe aer jerni sama deng kristal. Dia pe aer itu yang biking orang hidup deng Tuhan Allah slama-lamanya. Aer itu malele dari Tuhan Allah deng dari Anak Domba pe kursi raja,