Lukas 16:20 - Perjanjian Baru Bahasa Melayu Maluku Utara

²⁰ Kong di situ ada lagi orang susa satu, dia pe nama Lazarus. Dia pe badan ponong deng luka. Dia ada tidor-tidor di orang kaya itu pe muka pintu gerbang.

Lukas 16:20 Iomraidhean Croise

Matius 26:71

Abis itu, Petrus kaluar ka sana di pintu pagar. Di situ me ada pembantu parampuang laeng lagi yang lia pa dia, kong bilang pa orang-orang di situ, “Orang ini jaga sama-sama deng Yesus, orang Nazaret itu.”

Lukas 16:19

Yesus carita umpama satu lagi bagini, “Ada orang kaya satu. Dia salalu pake baju ungu, itu baju bagus dari kaeng alus yang mahal. Tiap hari dia hidup sanang deng dia pe harta.

Lukas 16:21

Dia lapar kong ingin mo makang makanang yang jatu dari orang kaya itu pe meja. Tapi dia tara dapa apa-apa, cuma anjing-anjing yang datang kong jilat dia pe luka itu.

Yohanes 11:1

Ada laki-laki satu yang saki barát. Dia pe nama Lazarus. Dia tinggal di kampong Betania, sama-sama deng dia pe kaka parampuang dua. Dorang dua pe nama, Maria deng Marta.

Kisah Para Rasul 3:2

Waktu dorang sampe di Ruma Ibada Pusat pe pintu gerbang yang dia pe nama “Pintu Bagus”, di situ ada laki-laki satu yang lumpu. Orang itu mulai dari lahir dia so lumpu. Tiap hari orang angka bawa pa dia di situ, la dia baminta-minta pa orang-orang yang mo maso di Ruma Ibada Pusat pe kompleks.

Yakobus 1:9

Orang miskin yang percaya pa Yesus musti sanang, karna biar dia tara arti apa-apa di dunia, tapi Tuhan angka pa dia jadi orang penting pa Tuhan Allah pe muka.

Yakobus 2:5

Sudara-sudara yang kita sayang, dengar yang kita mo bilang ini: orang miskin yang ada di dunia ini, Tuhan Allah so pili pa dorang la butul-butul percaya pa Dia. Dorang itu yang mo jadi Tuhan Allah pe umat yang Dia Berkuasa sebagai Raja pa dorang pe hidup, sama deng yang Dia so janji pa samua orang yang sayang pa Dia.