Lukas 16:17 - Perjanjian Baru Bahasa Melayu Maluku Utara

¹⁷ Biar bagitu me, samua yang tatulis di lima kitab Musa deng di nabi-nabi laeng pe kitab pasti mo jadi. Lebe gampang langit deng bumi mo ancor daripada satu huruf dari Tuhan Allah pe aturan itu tara jadi.”

Lukas 16:17 Iomraidhean Croise

Matius 5:18

Ngoni dengar bae-bae e! Langit deng bumi pasti mo ancor, tapi aturan-aturan di lima kitab Musa deng di nabi-nabi laeng pe kitab itu tara akan ilang, biar satu huruf me. Samua itu tetap ada sampe yang Tuhan Allah bilang dulu itu so jadi samua.

Lukas 21:33

Langit deng bumi mo abis, tapi Kita pe kata-kata akan tetap ada sampe slama-lamanya.”

Roma 3:31

Tapi ada kaapa orang yang pikir, “Jadi kalu Tuhan Allah biking torang jadi orang yang tara sala karna torang percaya pa Yesus, itu pe arti, torang tara perlu mo biking lagi aturan di lima kitab Musa.” Sama skali bukang bagitu. Mala karna torang percaya, torang lebe tamba biking aturan di lima kitab Musa itu.

1 Petrus 1:25

tapi Tuhan pe firman tetap ada sampe slama-lamanya.” Firman itu suda Kabar Bae tentang Yesus Kristus yang orang-orang so kase tau pa ngoni samua.

2 Petrus 3:10

Tapi tempo apa Yesus Kristus mo datang ulang, tarada orang yang tau. Dia datang sama deng papancuri datang, yang kage-kage so ada, tarada yang tau. Hari itu, langit akan ancor deng babunyi kuat skali, kong matahari, bulan deng bintang akan tabakar sampe abis, turus bumi deng samua dia pe isi akan abis.

Wahyu 20:11

Abis itu, kita lia kursi raja satu warna puti yang basar, deng kita lia lagi Tuhan Allah ada dudu di atas kursi raja itu. Turus, dari Tuhan Allah pe muka itu, langit deng bumi langsung ilang sampe so tara dapa lia lagi.

Wahyu 21:1

Abis itu, kita lia langit deng bumi yang baru, karna langit deng bumi yang pertama so tarada. Bagitu lagi deng laut.

Wahyu 21:4

Dia akan hapus dorang samua pe aer mata. So tarada lagi yang mo mati, so tarada lagi yang mo rasa sedi atau manangis, deng so tarada lagi yang mo rasa saki. Barang, samua yang lama itu so tarada.”