Lukas 16:14 - Perjanjian Baru Bahasa Melayu Maluku Utara

¹⁴ Waktu itu, babarapa orang Yahudi dari aliran Farisi dengar samua yang Yesus bilang itu. Kong dorang kase tatawa pa Dia, barang dong golojo doi.

Lukas 16:14 Iomraidhean Croise

Matius 23:13

Yesus bilang lagi, “Cilaka suda ngoni guru-guru agama Yahudi yang ahli lima kitab Musa deng orang-orang Yahudi dari aliran Farisi! Ngoni munafik samua. Barang, ngoni sandiri tara kase ngoni pe diri jadi Tuhan Allah pe umat la Dia Berkuasa sebagai Raja pa ngoni pe hidup, deng ngoni sandiri me pele pa orang-orang yang berusaha mo jadi Dia pe umat. Itu sama deng ngoni so tutu pintu pa dorang. [

Matius 9:24

Tapi Yesus bilang pa dorang, “Ngoni kaluar suda, karna ana parampuang ini tara mati, dia cuma tidor.” Tapi, dorang cuma kase tatawa pa Yesus.

Lukas 12:15

Kong Yesus bicara pa orang banya yang ada di situ, “Ati-ati deng jaga diri bae-bae, jang sampe ngoni tara puas deng apa yang ngoni punya. Karna manusia pe hidup itu bukang cuma dari harta saja biar dia kaya skali lagi.”

Lukas 20:47

Dorang me suka biking bodo pa janda-janda la ambe dong pe ruma. Baru dorang kalu berdoa kase panjang-panjang supaya orang tau dorang itu orang bae. Dorang ini pasti mo dapa hukuman yang paling barát.”

Lukas 23:35

Orang banya yang badiri di situ lia samua yang jadi, kong pemimpin-pemimpin Yahudi hina pa Yesus. Dorang bilang, “Orang laeng Dia kase slamat. Skarang biar suda Dia kase slamat Dia pe diri sandiri, kalu memang butul Dia itu Mesias, Raja yang Tuhan Allah so pili untuk kase slamat pa manusia.”

Lukas 8:53

Pe dengar Yesus bilang bagitu, dorang cuma kase tatawa pa Dia, karna dorang tau ana itu so mati.

2 Timotius 3:2

Hari-hari itu, orang-orang cuma sayang dorang pe diri sandiri, deng dong pe doi. Dorang suka bicara tinggi deng sombong. Dorang suka kase tara bae orang pe nama, malawang pa dong pe orang tua, deng tara tau batarimakasi. Dorang sama skali tara mau iko Tuhan pe mau.

Ibrani 11:36

Ada lagi orang yang karna dorang percaya pa Tuhan Allah, dorang dapa hina deng ada yang dapa pukul deng tali yang ada barang tajam di dia pe ujung, sampe ada yang dapa rante kong dapa maso penjara.