Lukas 16:13 - Perjanjian Baru Bahasa Melayu Maluku Utara

¹³ Satu orang karja tara bisa bakarja satu kali pa dua tuang. Karna kalu dia pe tuang dua, pasti dia binci tuang yang satu kong tuang yang laeng dia sayang. Atau dia mo lebe setia pa dia pe tuang yang satu dari dia pe tuang yang satu lagi. Bagitu lagi deng ngoni, kalu ngoni hidup cuma mo kumpul harta dunia, tara mungkin ngoni mo karja untuk Tuhan Allah deng sunggu-sunggu.”

Lukas 16:13 Iomraidhean Croise

Matius 4:10

Tapi Yesus bilang pa dia, “Ee Iblis, pigi suda dari sini! Karna di Kitab Suci ada tatulis bagini, ‘Ngoni musti semba pa Tuhan Allah, Dia itu ngoni pe Tuhan, deng cuma pa Dia saja yang ngoni musti dengar-dengaran.’ ”

Matius 6:24

Tarada satu orang yang bisa bakarja satu kali pa dua tuang. Karna kalu dia pe tuang dua, pasti dia binci tuang yang satu kong tuang yang laeng dia sayang. Atau dia mo lebe setia pa dia pe tuang yang satu dari dia pe tuang yang laeng. Bagitu lagi deng ngoni, kalu ngoni hidup cuma mo kumpul harta dunia, tara mungkin ngoni mo karja untuk Tuhan Allah deng sunggu-sunggu.”

Lukas 11:23

Orang yang tara iko pa Kita, dia musu pa Kita. Kong orang yang tara tolong pa Kita la kumpul orang-orang supaya percaya pa Kita, dia itu yang biking orang-orang jao dari Kita.”

Lukas 14:26

“Orang yang iko pa Kita, dia musti sayang skali pa Kita lebe dari dia pe sayang pa dia pe mama, papa, bini, ana, ade, kaka, deng dia pe diri sandiri lagi. Jadi kalu dia tara sayang pa Kita sama deng bagitu, dia tara bisa iko pa Kita.

Lukas 16:12

Kalu ngoni tara bisa jaga orang laeng pe barang yang orang kase percaya pa ngoni, tarada yang nanti mo kase pa ngoni barang untuk jadi ngoni punya.

Lukas 16:9

Jadi ini yang Kita mo bilang pa ngoni: pake ngoni pe harta dunia untuk tolong orang supaya bole dapa banya tamang. Jadi kalu ngoni pe harta so abis, ngoni nanti mo dapa tarima di ngoni pe tampa tinggal di sorga.

Lukas 9:50

Tapi Yesus bilang pa dorang, “Jang larang pa dia! Karna orang yang tara malawang pa torang, dia itu torang pe tamang.”

Yakobus 4:4

Ee, ngoni orang-orang yang tara setia pa Tuhan! Ngoni pasti tau, kalu ngoni cuma iko dunia pe mau, itu ngoni so baku musu deng Tuhan Allah. Sapa yang suka batamang deng dunia ini pe sanang, dia sandiri yang biking dia pe diri baku musu deng Tuhan Allah.