Lukas 15:8 - Perjanjian Baru Bahasa Melayu Maluku Utara

⁸ Yesus bilang umpama satu lagi bagini, “Ada parampuang satu yang punya doi perak spulu. Satu kali, dia pe doi perak satu tu ilang. Jadi apa yang dia biking? Pasti parampuang itu kase manyala lampu, turus dia sapu dia pe ruma kong cari bae-bae dia pe doi yang ilang itu sampe dapa.

Lukas 15:8 Iomraidhean Croise

Matius 5:15

Tara ada orang yang pasang lampu kong tutu dia pe cahaya. Tapi pasti dia taru lampu itu di dia pe tampa supaya kase tarang pa samua orang yang ada di dalam ruma itu.

Lukas 15:7

Kita bilang pe ngoni e, umpama itu pe arti bagini, Tuhan Allah deng malaekat di sorga akan sanang skali kalu ada satu orang berdosa yang bertobat. Dorang lebe sanang, kalu satu orang berdosa yang bertobat daripada sembilan pulu sembilan orang yang so rasa diri butul kong tara perlu bertobat.”

Lukas 15:9

Kalu dia so dapa dia pe doi itu, dia pangge dia pe tamang-tamang deng dia pe birman-birman turus bilang pa dorang bagini, ‘Kita pe doi yang ilang kita so dapa ulang, jadi mari basanang-sanang deng kita!’

Lukas 19:10

Kita bilang bagitu, karna Anak Manusia yang dari sorga datang untuk mo cari pa orang-orang yang jao dari Tuhan Allah deng kase slamat pa dorang.”

Yohanes 10:16

Tapi pa Kita lagi ada domba-domba laeng, yang bukang dari kandang ini. Domba-domba itu musti Kita bawa lagi kong dorang mo dengar Kita pe suara. Dorang itu mo jadi satu kelompok deng Kita pe domba-domba yang ada di kandang ini, kong Kita jadi dorang samua pe gembala.

Yohanes 11:52

Kong bukang cuma untuk bangsa Yahudi saja, tapi Dia mati untuk samua orang yang mo jadi Tuhan Allah pe umat, supaya dorang di samua bangsa yang tapisa-pisa bole jadi satu.

Kisah Para Rasul 19:19

Banya lagi dari dorang yang jaga batiop, dorang kumpul dong pe buku kacil yang ada tulis dong pe baca-baca kong bakar di orang banya itu pe muka. Buku-buku itu mahal skali. Kalu kase baku tamba dia pe harga, dia pe jumla sama deng saratus anam pulu orang karja pe gaji satu taong.

Efesus 2:17

Itu yang biking sampe Yesus Kristus datang di dunia ini. Dia datang kase tau Kabar Bae yang biking orang bole baku bae deng Tuhan Allah. Dia kase tau itu pa orang-orang bukang Yahudi yang dulu jao dari Tuhan Allah deng pa orang-orang Yahudi yang dulu dekat deng Tuhan Allah.