Lukas 15:30 - Perjanjian Baru Bahasa Melayu Maluku Utara

³⁰ Tapi papa pe ana itu so kase halebiru papa pe doi deng parampuang-parampuang tara bae. Kong skarang waktu dia pulang, papa potong sapi paranggang gumu untuk dia tu!’

Lukas 15:30 Iomraidhean Croise

Markus 12:44

Barang, orang-orang kaya ini, biar dorang kase doi banya, tapi dong pe doi masi sisa banya. Sedangkan janda ini, biar dia susa me, dia so kase samua dia pe doi.”

Lukas 15:29

Tapi dia bilang pa dia pe papa, ‘Papa, deng taong-taong kita karja karas untuk papa. Kita tara perna langgar papa pe parenta. Tapi biar bagitu, papa tara perna kase kita kambing paranggang biar satu ekor la kita baacara deng kita pe tamang-tamang.

Lukas 15:31

Kong dia pe papa bilang pa dia, ‘Ana e, ngana salalu tinggal sama-sama deng papa. Jadi samua yang papa punya, itu me ngana punya lagi.

Lukas 15:32

Ngana pe ade sama deng orang yang so mati tapi so hidup ulang. Dia so ilang, tapi skarang torang so dapa ulang. Jadi skarang, pantas torang biking acara deng hati sanang.’ ”

Lukas 18:11

Orang dari aliran Farisi itu badiri basandiri kong dia berdoa bagini, ‘Ya Tuhan Allah, kita bilang tarimakasi, karna kita bukang orang berdosa sama deng orang laeng. Kita ini bukang orang yang suka rampas orang laeng pe barang, kita bukang orang yang tara butul, kita bukang orang yang jaga baku suka deng orang pe bini, deng kita bukang lagi sama deng tukang tagi pajak ini.