Lukas 15:24 - Perjanjian Baru Bahasa Melayu Maluku Utara

²⁴ Barang kita pe ana ini sama deng so mati tapi skarang so hidup ulang. Dia so ilang, tapi kita so dapa ulang.’ Kong dorang mulai bapesta.

Lukas 15:24 Iomraidhean Croise

Matius 8:22

Tapi Yesus bilang pa dia, “Iko suda pa Kita skarang, kong kase biar suda orang mati urus dorang pe penguburan sandiri.”

Markus 8:22

Waktu Yesus deng Dia pe murit-murit sampe di Betsaida, ada babarapa orang bawa orang buta satu pa Yesus. Dorang bamohon pa Yesus la Yesus taru Dia pe tangan pa orang itu supaya dia sembu.

Lukas 10:19

Inga bae-bae yang Kita bilang pa ngoni. Kuasa yang Kita so kase pa ngoni itu basar, sampe ngoni me bisa injang ular bisa deng kalajengking, deng supaya ngoni bole kase kala ngoni pe musu, itu Iblis, setang-setang pe raja. Deng kuasa itu, tara ada yang bisa kase cilaka pa ngoni.

Lukas 15:23

Abis itu, potong sapi paranggang satu yang bagumu kong momasa. Mari torang makang sama-sama, deng abis itu, baronggeng.

Lukas 15:25

Waktu itu, ana yang tua masi di kobong. Waktu dia pulang dari kobong kong so dekat ruma, dia dengar ada bunyi musik deng orang-orang yang baronggeng pe suara.

Lukas 15:32

Ngana pe ade sama deng orang yang so mati tapi so hidup ulang. Dia so ilang, tapi skarang torang so dapa ulang. Jadi skarang, pantas torang biking acara deng hati sanang.’ ”

Lukas 15:4

“Kalu dari ngoni ini ada yang punya domba saratus ekor, kong ada satu yang ilang, tantu dia akan kase tinggal dulu domba yang sembilan pulu sembilan itu di lapangan rumpu, baru dia pigi cari domba satu yang ilang itu sampe dapa.

Lukas 19:10

Kita bilang bagitu, karna Anak Manusia yang dari sorga datang untuk mo cari pa orang-orang yang jao dari Tuhan Allah deng kase slamat pa dorang.”

Lukas 9:60

Tapi Yesus bilang pa dia, “Orang yang tara percaya pa Kita, sama deng orang yang so mati. Kase biar suda orang yang tara percaya itu urus dorang pe penguburan sandiri. Tapi ngana, ngana pigi kong kase tau kabar tentang Tuhan Allah Berkuasa sebagai Raja pa orang-orang yang percaya pe hidup.”

Yohanes 11:25

Tapi Yesus bilang lagi pa Marta, “Kita ini yang kase hidup ulang pa orang yang so mati, deng yang bole kase orang hidup deng Tuhan Allah slama-lamanya. Jadi, sapa yang percaya pa Kita, biar lagi dia so mati, nanti dia mo hidup ulang.

Yohanes 5:21

Bapa itu yang kase hidup ulang pa orang-orang yang mati. Bagitu lagi deng Dia pe Anak mo kase hidup pa sapa saja yang Dia pe Anak mau. Hidup itu, hidup deng Tuhan Allah slama-lamanya.

Roma 11:15

Kita pe maksut bagini, waktu Tuhan Allah tara tarima pa orang Yahudi yang tara percaya, itu kase kesempatan pa orang-orang yang bukang Yahudi supaya dorang percaya pa Yesus Kristus la jadi baku bae deng Tuhan Allah. Jadi, lebe bagus lagi kalu nanti Tuhan Allah tarima pa orang Yahudi lagi, itu sama deng dorang so mati kong hidup ulang.

Roma 12:15

Turus, kalu ada orang yang sanang, ngoni iko sanang sama-sama deng dia. Kong kalu ada orang yang manangis, ngoni iko manangis sama-sama deng dia!

Roma 6:11

Bagitu lagi deng ngoni, ngoni musti pikir, ngoni so sama deng orang yang so mati, jadi ngoni so tarada hubungan lagi deng dosa karna ngoni so satu hati deng Kristus Yesus. Jadi skarang, dosa so tara kuasai lagi pa ngoni, tapi ngoni cuma hidup untuk Tuhan Allah.

Roma 6:13

Deng tara bole ngoni kase biar ngoni pe tangan, kaki deng samua-samua yang ada pa ngoni pe badan untuk dosa kuasai supaya biking barang yang jahat. Tapi ngoni kase ngoni pe diri pa Tuhan Allah supaya biking barang yang butul, karna ngoni sama deng orang yang so mati, kong skarang Dia so kase pa ngoni hidup yang baru. Ngoni kase biar suda ngoni pe tangan, kaki, deng samua-samua yang ada di ngoni pe badan untuk Tuhan Allah pake supaya mo biking barang yang butul.

Roma 8:2

Barang, Roh Kudus itu suda yang biking torang bole hidup satu hati deng Yesus Kristus. Roh Kudus itu tolong pa torang supaya torang tara iko dosa pe mau lagi yang biking torang mati tapisa deng Tuhan Allah slama-lamanya.

1 Korintus 12:26

Jadi kalu kaki atau tangan saki, samua me rasa saki. Deng kalu kaki atau tangan dapa hormat, yang laeng me rasa sanang.

Efesus 2:1

Sudara-sudara, dulu waktu ngoni bolong percaya pa Yesus Kristus, ngoni jaga biking dosa deng jaga langgar Tuhan Allah pe parenta, ngoni itu sama deng orang yang so mati.

Efesus 2:5

Waktu torang masi jaga langgar Tuhan Allah pe parenta, itu bole mo kase sama deng torang so mati. Tapi biar bagitu, waktu Tuhan Allah kase hidup ulang pa Yesus Kristus, itu sama deng Dia so kase hidup ulang pa torang. Jadi, Dia kase slamat pa torang dari dosa-dosa cuma karna Dia pe bae pa torang.

Efesus 5:14

Itu dia pe sebab sampe ada orang yang bilang bagini, “Ee ngoni yang masi tidor, bangun suda, ngoni ini sama deng orang yang so mati, ngoni musti hidup ulang. Barang, Yesus Kristus mo kase tarang ngoni pe hati.”

Kolose 2:13

Dulu waktu ngoni bolong percaya pa Tuhan, ngoni jaga langgar Tuhan Allah pe parenta, jadi Tuhan Allah lia pa ngoni sama deng orang yang so mati. Ngoni me tara dapa sunat karna ngoni bukang orang Yahudi, jadi ngoni bukang Tuhan Allah pe umat. Tapi skarang, karna Yesus Kristus so mati deng so hidup ulang, Dia so kase ampun ngoni pe dosa-dosa deng so kase pa ngoni hidup yang baru.

1 Timotius 5:6

Tapi janda yang cuma suka hidup basanang-sanang, biar dia masi hidup, dia sama deng so mati.

Yudas 1:12

Waktu ngoni jemaat bakumpul makang untuk inga Tuhan Allah pe sayang, orang-orang yang bawa ajaran tara butul itu kase rusak ngoni pe acara itu. Itu sama deng dorang jadi noda di acara itu. Waktu itu dorang makang tara malu-malu, golojo lagi, deng cuma pikir diri sandiri. Dorang sama deng awan yang bapinda karna angin tiop kong tara jadi ujang. Dorang me sama deng pohong-pohong yang tara babua di musim babua, yang tacabu sampe dia pe akar-akar kong mati.

Wahyu 3:1

Anak Manusia yang dari sorga bilang lagi pa kita, “Yohanes, tulis suda untuk malaekat yang jaga pa jemaat di kota Sardis. Ngana tulis bagini: Ini pasáng dari Anak Manusia yang punya tuju Roh dari Tuhan Allah, deng yang pegang tuju bintang itu: Kita tau samua yang ngoni jaga biking. Dari luar dapa lia ngoni pe hidup butul iko Kita pe mau, padahal yang sebenarnya tara bagitu. Itu sama deng dapa lia ngoni hidup padahal so mati!