Lukas 15:10 - Perjanjian Baru Bahasa Melayu Maluku Utara

¹⁰ Kita bilang pa ngoni, di sorga me bagitu, Tuhan Allah pe malaekat-malaekat sanang skali kalu ada satu orang yang berdosa kong dia bertobat.”

Lukas 15:10 Iomraidhean Croise

Matius 10:32

Sapa yang mangaku percaya pa Kita di orang banya pe muka, nanti Kita me akan mangaku, Kita kanal pa dia di Kita pe Bapa di sorga pe muka.

Matius 18:10

Yesus bilang lagi, “Inga bae-bae, jang ngoni pandang enteng pa orang biasa-biasa yang sama deng ana-ana kacil ini, karna orang-orang itu ada dong pe malaekat yang salalu ada deng Tuhan Allah di sorga. [

Matius 18:14

Bagitu lagi deng ngoni pe Bapa di sorga, Dia tara mau Dia pe ana-ana ada yang ilang dari Dia, biar cuma satu saja.”

Lukas 12:8

Turus Yesus bilang lagi, “Dengar ini bae-bae, sapa yang mangaku percaya pa Kita di orang banya pe muka, nanti Kita Anak Manusia me akan mangaku, Kita kanal pa dia di Tuhan Allah pe malaekat-malaekat pe muka.

Lukas 12:9

Tapi sapa yang manyangkal pa Kita di orang banya pe muka, nanti Kita me akan manyangkal dia di Tuhan Allah pe malaekat-malaekat pe muka.

Lukas 13:5

Tarada! Tapi Kita bilang lagi pa ngoni, kalu ngoni tara bertobat, ngoni samua me akan mati sama deng dorang.”

Lukas 15:11

Yesus bilang lagi, “Ada bapa satu yang pe ana laki-laki dua.

Lukas 15:7

Kita bilang pe ngoni e, umpama itu pe arti bagini, Tuhan Allah deng malaekat di sorga akan sanang skali kalu ada satu orang berdosa yang bertobat. Dorang lebe sanang, kalu satu orang berdosa yang bertobat daripada sembilan pulu sembilan orang yang so rasa diri butul kong tara perlu bertobat.”

Lukas 15:9

Kalu dia so dapa dia pe doi itu, dia pangge dia pe tamang-tamang deng dia pe birman-birman turus bilang pa dorang bagini, ‘Kita pe doi yang ilang kita so dapa ulang, jadi mari basanang-sanang deng kita!’

Lukas 7:47

Karna itu, dengar bae-bae e, parampuang ini pe dosa yang banya itu so dapa ampun. Kong karna dia so dapa ampun, dia kase tunju dia pe sayang yang basar pa Kita. Tapi kalu orang yang pe dosa cuma sadiki, cuma sadiki lagi dia kase tunju dia pe sayang, karna cuma sadiki dia pe dosa yang dapa ampun.”

Kisah Para Rasul 11:18

Pe dengar bagitu, orang-orang Yahudi yang percaya pa Yesus so tara kase sala lagi pa Petrus. Dorang puji pa Tuhan Allah, bilang, “Jadi, orang-orang bukang Yahudi me Tuhan Allah so kase kesempatan untuk bertobat supaya dorang dapa hidup deng Tuhan Allah slama-lamanya.”

Kisah Para Rasul 5:19

Tapi dia pe malam itu saja, Tuhan pe malaekat satu datang kong buka penjara pe pintu-pintu, turus bawa pa dorang kaluar. Dia bilang,

2 Korintus 7:10

Kita bilang bagitu, barang sedi itu yang Tuhan Allah mau la biking orang bole bertobat kong dapa slamat. Jadi orang yang dapa sedi macam bagitu, dia tara akan manyasal. Tapi ada lagi sedi yang orang-orang tara percaya rasa. Sedi itu tara biking dorang jadi bertobat, kong dorang mo dapa hukum tapisa deng Tuhan Allah slama-lamanya.

Filemon 1:15

Kita pikir, kaapa ini suda dia pe alasan sampe ngana deng dia dapa kase pisa untuk babarapa waktu, supaya dia bole jadi percaya pa Tuhan Yesus, kong ngana bole tarima ulang pa dia untuk sama-sama deng ngana turus-turus.

Ibrani 1:14

Jadi, malaekat-malaekat tara lebe hebat dari Yesus to, karna dorang itu roh-roh yang biking apa yang Tuhan Allah suru. Tuhan Allah utus pa dorang untuk layani pa orang-orang yang mo dapa slamat dari dosa-dosa.