Lukas 14:3 - Perjanjian Baru Bahasa Melayu Maluku Utara

³ Turus Yesus tanya pa guru-guru agama Yahudi yang ahli lima kitab Musa deng orang-orang dari aliran Farisi itu, “Kalu iko torang pe aturan agama, bole kase sembu orang di hari Sabat ka tarada?”

Lukas 14:3 Iomraidhean Croise

Matius 12:10

Di situ, ada satu orang yang dia pe tangan sabla mati, deng ada lagi orang-orang Yahudi dari aliran Farisi. Dorang tanya pa Yesus, “Bole ka tarada, kase sembu orang di hari Sabat?” Dorang tanya bagitu, barang kalu Yesus kase sembu orang di hari Sabat, hari yang orang agama Yahudi tara bole bakarja, dorang mo kase sala pa Dia.

Matius 12:2

Di situ, ada orang-orang Yahudi dari aliran fanatik yang pe nama Farisi. Waktu dorang lia apa yang murit-murit biking itu, dorang bilang pa Yesus, “Coba lia Bapa pe murit-murit itu! Dorang bakarja bapete gandum di hari Sabat! Itu dorang so langgar torang pe aturan agama!”

Matius 22:35

kong dong pe guru agama satu yang ahli lima kitab Musa tanya pa Yesus la mo cari-cari Dia pe sala lagi bagini,

Markus 3:4

Kong Yesus tanya pa orang-orang yang ada di situ, “Kalu iko aturan di lima kitab Musa, mana yang torang bisa biking di hari Sabat? Biking barang yang bae ka biking barang yang jahat? Kase slamat orang ka bunu orang?” Tapi dorang cuma babadiam saja.

Lukas 14:2

Kage-kage, ada orang saki satu yang datang pa Yesus, dia pe panyake itu biking sampe dia pe tangan deng kaki bangka-bangka.

Lukas 14:4

Tapi dorang samua itu cuma badiam. Kong Yesus pegang orang itu, turus kase sembu pa dia. Abis itu, Yesus suru orang itu pigi.

Lukas 6:9

Abis itu, Yesus tanya pa orang-orang di situ bagini, “Kita tanya pa ngoni. Kalu iko torang orang agama Yahudi pe aturan, apa yang torang bisa biking di hari Sabat? Biking barang yang bae ka biking barang yang jahat? Kase slamat orang ka bunu orang?”

Yohanes 7:23

Jadi, kalu ngoni sunat orang di hari Sabat supaya nabi Musa pe aturan itu ngoni tara langgar, bikiapa kong ngoni mara pa Kita waktu Kita ada kase sembu satu orang pas di hari Sabat?