Lukas 13:4 - Perjanjian Baru Bahasa Melayu Maluku Utara

⁴ Deng ada lagi delapan blas orang yang mati tatindis deng menara yang rubu di dekat Siloam di kota Yerusalem. Ngoni kira dorang itu lagi mati karna biking dosa lebe banya dari orang-orang laeng yang ada di kota Yerusalem?

Lukas 13:4 Iomraidhean Croise

Matius 18:24

Waktu raja itu mulai urus dong pe utang itu, ada orang karja satu yang dapa kase mangada pa raja. Orang karja itu pe utang doi mas spulu ribu tas.

Matius 6:12

Deng kase ampun torang pe sala, sama deng torang me kase ampun orang yang sala pa torang.

Lukas 11:4

Deng kase ampun torang pe dosa, karna torang me kase ampun tiap orang yang sala pa torang, kong jang kase biar torang tagoda biking barang yang jahat.’ ”

Lukas 13:3

Tarada! Tapi Kita bilang pa ngoni e: kalu ngoni tara bertobat dari ngoni pe dosa-dosa, ngoni samua me akan mati sama deng dorang.

Lukas 13:5

Tarada! Tapi Kita bilang lagi pa ngoni, kalu ngoni tara bertobat, ngoni samua me akan mati sama deng dorang.”

Yohanes 9:11

Dia jawab, “Orang yang pe nama Yesus itu, Dia baluda di tana kong biking pece, abis itu Dia kase goso pece itu pa Kita pe mata. Turus, Dia suru kita pigi di kolam Siloam la kita cuci muka di situ. Kong kita pigi. Pe abis cuci muka, kita so bole dapa lia.”

Yohanes 9:7

Kong Dia bilang pa orang buta itu, “Pigi suda, kong cuci ngana pe muka di kolam Siloam.” (Siloam itu pe arti, ‘Yang dapa utus’.) Pe dengar itu, orang itu pigi cuci dia pe muka di situ. Kong waktu dia mo bale pa dia pe ruma, dia so bisa dapa lia.

Kisah Para Rasul 28:4

Waktu orang-orang pulo itu lia ular masi tagantong di Paulus pe tangan, dorang baku bilang, “Orang ini pasti so perna bunu orang. Jadi biar dia slamat di laut tapi tetap dia dapa dia pe katula dari tong pe puji-puji sampe dia tara bisa hidup lagi.”