Lukas 13:34 - Perjanjian Baru Bahasa Melayu Maluku Utara

³⁴ Kasiang ngoni orang-orang Yerusalem! Ngoni yang bunu pa nabi-nabi yang jaga kase turus Tuhan Allah pe pasáng, deng ngoni me lempar deng batu sampe mati pa orang-orang yang Tuhan Allah utus pa ngoni. So ulang-ulang kali Kita ingin kumpul pa ngoni supaya dekat deng Kita, sama deng ayam mai yang tutu dia pe ana-ana deng dia pe sayap, tapi ngoni tara mau.

Lukas 13:34 Iomraidhean Croise

Matius 22:3

Bagitu samua so siap, dia suru dia pe orang-orang karja pigi pangge pa orang-orang yang dia so undang la datang suda di pesta kawing itu, tapi orang-orang itu tara mau datang.

Matius 22:6

Mala yang laeng tangka pa orang-orang karja itu kong siksa, turus bunu pa dorang.

Lukas 15:28

Pe dengar bagitu, ana yang tua itu mara. Dia tara mau maso di ruma. Turus dia pe papa kaluar buju pa dia supaya maso.

Lukas 19:44

Dorang mo kase ancor ngoni pe kota Yerusalem kong dorang mo bunu pa ngoni orang-orang yang ada tinggal di situ. Deng tara ada satu batu yang dong akan kase biar tasusun pa dia pe tampa. Ngoni pe kota akan ancor bagitu, karna ngoni tara tarima waktu Tuhan Allah datang pa ngoni untuk kase slamat pa ngoni.”

Lukas 23:28

Tapi Yesus bale haga pa dorang, turus bilang, “Ee, ngoni parampuang-parampuang Yerusalem! Jang ngoni manangis pa Kita. Tapi ngoni manangis pa ngoni pe diri sandiri deng ngoni pe ana-ana!

Kisah Para Rasul 7:52

Coba ngoni bilang, nabi mana yang ngoni pe orang tua dulu-dulu tara perna siksa? Mala dorang bunu pa nabi-nabi yang kase tau Yesus, Orang yang butul itu mo datang. Kong ngoni me sama saja deng dorang. Ngoni tau Dia so datang, tapi ngoni bahianat deng bunu pa Dia.

Kisah Para Rasul 7:59

Sementara dorang ada lempar pa Stefanus, Stefanus berdoa bagini, “Tuhan Yesus, tarima suda pa kita.”

Wahyu 11:8

Dua saksi itu pe mayat akan tabiar-biar di jalang basar, di kota basar yang dulu orang-orang salib pa dorang pe Tuhan. Orang-orang di kota itu pe jahat skali, sampe orang jaga bilang kota itu kota Sodom atau Mesir dulu.