Lukas 13:33 - Perjanjian Baru Bahasa Melayu Maluku Utara

³³ Tapi biar bagitu me, hari ini, beso deng lusa, Kita musti bajalang turus pigi di Yerusalem. Karna Tuhan Allah pe Nabi musti mati di kota Yerusalem, tara bisa di kota laeng.

Lukas 13:33 Iomraidhean Croise

Matius 20:18

“Dengar e! Skarang torang mo pigi ka atas di kota Yerusalem. Di sana, orang mo serakan Anak Manusia yang dari sorga pa imam-imam kapala deng guru-guru agama yang ahli lima kitab Musa. Kong dorang mo kase hukuman mati pa Dia.

Matius 21:11

Kong orang banya itu jawab, “Dia itu Yesus, Nabi dari Nazaret di daera Galilea!”

Lukas 9:53

Tapi orang-orang di kampong itu tara mau tarima pa Yesus karna dong tau Dia mo pigi di Yerusalem.

Yohanes 11:54

Jadi, Yesus tara tinggal lagi di orang Yahudi pe daera supaya orang tara dapa lia lagi pa Dia. Dari situ, Dia bajalang pigi di kota satu yang pe nama Efraim. Kota itu dekat deng padang gurun. Di situ, Dia tinggal sama-sama deng Dia pe murit-murit.

Yohanes 11:9

Turus, Yesus jawab pa dorang pake umpama satu bagini, “Jang ngoni tako. Kalu siang itu ada dua blas jam to? Jadi sapa yang bajalang siang-siang, dia pe kaki tara akan tagate, barang dia lia yang kase tarang dunia ini.

Yohanes 12:35

Kong Yesus bilang pa dorang, “So tara lama lagi, Tarang ini ada sama-sama deng ngoni. Jadi waktu Tarang ini masi ada, ngoni musti bajalang sama-sama deng Tarang ini turus, jang sampe galap tutu ngoni pe jalang. Barang, sapa yang bajalang di galap, dia tara akan tau ka mana dia mo pigi.

Yohanes 4:34

Yesus bilang pa dorang, “Kita pe makanang itu, Kita biking apa yang Tuhan Allah mau. Tuhan Allah itu yang utus pa Kita deng Kita musti kase abis Kita pe karja yang Dia suru Kita biking.

Yohanes 9:4

Tuhan Allah yang utus pa Kita ada kase tugas yang torang musti biking. Torang musti biking tugas itu skarang, karna ada dia pe waktu nanti torang tara bisa biking tugas lagi. Itu bole kase sama deng kalu masi siang, orang masi bole bakarja, tapi kalu so malam, so tarada orang yang bisa bakarja lagi.

Kisah Para Rasul 10:38

Tuhan Allah pili pa Yesus dari Nazaret kong kase Dia pe Roh Kudus deng kase Dia pe kuasa. Abis itu, Yesus bajalang bakuliling kong biking banya barang yang bae, deng kase sembu pa orang-orang yang Iblis kuasai, barang Tuhan Allah ada sama-sama deng Dia.

Kisah Para Rasul 13:27

Tapi waktu Yesus datang, torang pe tamang-tamang orang Israel yang tinggal di Yerusalem deng dong pe pemimpin-pemimpin tara mangarti sapa Dia. Dorang tara mangarti pasáng yang Tuhan Allah bilang dari dulu pake Dia pe nabi-nabi tentang Orang yang Tuhan Allah janji la mo kase slamat pa torang. Padahal, kata-kata ini yang torang baca tiap hari Sabat. Kong karna dorang tara mangarti, dorang hukum mati pa Dia. Tapi deng dong hukum mati pa Dia, apa yang Tuhan Allah bilang pa nabi-nabi dulu di Kitab Suci itu, so jadi.