Lukas 13:32 - Perjanjian Baru Bahasa Melayu Maluku Utara

³² Yesus bilang pa dorang, “Ngoni pigi pa raja Herodes yang licik itu kong bilang bagini, ‘Hari ini deng beso Kita user setang deng kase sembu orang saki. Turus hari ketiga, Kita pe karja so mo abis.’

Lukas 13:32 Iomraidhean Croise

Markus 6:14

Di mana-mana orang bacarita tentang Yesus, barang Dia pe nama so terkenal, sampe raja Herodes me dapa dengar itu. Ada yang bilang, “Mangkali Yesus itu Yohanes Pembaptis yang dulu mati, kong so hidup ulang kaapa? Ada harus dia bole biking mujizat pe banya itu!”

Yohanes 10:32

Tapi Yesus bilang pa dorang, “Ngoni so lia Kita biking banya hal yang bae yang Kita pe Bapa suru Kita biking. Kong, mana yang biking sampe ngoni mo lempar pa Kita deng batu?”

Yohanes 19:30

Yesus isap anggur itu, kong abis itu Dia bilang, “Skarang so selesai.” Kong Yesus batundu, turus Dia serakan Dia pe nyawa.

Ibrani 2:10

Tuhan Allah yang biking samua-samua yang ada, supaya Dia dapa puji deng hormat. Jadi pantas skali Tuhan Allah biking Dia pe rencana yang biking orang banya jadi Dia pe ana-ana untuk hidup sama-sama deng Dia di sorga. Kong supaya dorang jadi Tuhan Allah pe ana-ana, Dia biking Dia pe Anak Yesus menderita la Dia bisa jadi dorang pe pemimpin yang sempurna untuk buka jalang, supaya orang yang percaya pa Dia bole dapa slamat.

Ibrani 5:9

Deng Yesus biking bagitu, Tuhan Allah so biking Dia jadi sempurna, supaya Dia yang bisa kase slamat pa sapa saja yang dengar-dengaran pa Dia untuk slama-lamanya.

Ibrani 7:28

Barang, kalu iko aturan-aturan di lima kitab Musa, orang yang dapa angka jadi imam basar, dorang itu cuma manusia biasa saja yang gampang tagoda biking dosa. Tapi abis Tuhan Allah kase aturan-aturan itu, Dia biking lagi janji yang baru deng sumpa la Dia angka Dia pe Anak sandiri, Yesus Kristus. Dia pe Anak itu sempurna, deng Dia jadi Imam yang kase bae-bae torang pe hubungan deng Tuhan Allah sampe slama-lamanya.