Lukas 13:14 - Perjanjian Baru Bahasa Melayu Maluku Utara

¹⁴ Pe lia itu, kapala ruma ibada agama Yahudi itu mara, barang Yesus so kase sembu orang di hari Sabat. Karna itu, dia bilang pa orang banya di situ, “Ada anam hari torang pake untuk bakarja. Kalu ngoni mau sembu, datang di hari-hari itu. Jangan di hari Sabat.”

Lukas 13:14 Iomraidhean Croise

Matius 12:2

Di situ, ada orang-orang Yahudi dari aliran fanatik yang pe nama Farisi. Waktu dorang lia apa yang murit-murit biking itu, dorang bilang pa Yesus, “Coba lia Bapa pe murit-murit itu! Dorang bakarja bapete gandum di hari Sabat! Itu dorang so langgar torang pe aturan agama!”

Markus 5:22

Ada lagi satu orang yang datang, dia pe nama Yairus. Dia itu kapala di satu ruma ibada agama Yahudi. Bagitu dia dapa lia pa Yesus, dia ka sana kong berlutut pa Yesus pe muka.

Lukas 6:11

Pe lia itu, orang-orang yang ahli lima kitab Musa deng orang-orang dari aliran Farisi, mara skali. Kong dorang mulai biking rencana jahat pa Yesus.

Lukas 6:7

Di situ me ada guru-guru agama Yahudi yang ahli lima kitab Musa deng orang-orang Yahudi dari aliran fanatik yang pe nama Farisi. Dorang lia-lia turus pa Yesus, supaya kalu Dia kase sembu orang di hari Sabat, dorang bisa dapa alasan untuk kase sala pa Dia. Jadi dorang ingin tau kalu Yesus akan kase sembu orang di hari Sabat, hari yang orang agama Yahudi tara bole bakarja.

Lukas 8:41

Waktu itu, ada satu orang datang pa Yesus, dia pe nama Yairus. Dia itu kapala di satu ruma ibada agama Yahudi. Dia berlutut pa Yesus pe muka kong bamohon supaya Yesus datang pa dia pe ruma.

Kisah Para Rasul 13:15

Di situ, ada orang yang baca lima kitab Musa deng kitab nabi-nabi. Pe abis babaca, pemimpin-pemimpin ruma ibada itu suru orang bilang pa Paulus deng pa Barnabas, “Bapa-bapa, kalu ada yang ngoni ingin bilang untuk kase kuat torang pe percaya, bicara suda skarang!”

Kisah Para Rasul 18:17

Kong orang-orang Yahudi yang ada di situ langsung tangka pa kapala ruma ibada agama Yahudi yang pe nama Sostenes. Dorang pukul pa dia pa gubernur pe muka, tapi gubernur tara peduli pa dorang.

Kisah Para Rasul 18:8

Kapala ruma ibada di situ, dia pe nama Krispus. Dia deng samua orang yang ada pa dia pe ruma jadi percaya pa Tuhan Yesus. Bagitu lagi deng orang-orang laeng di Korintus, dorang dengar apa yang Paulus ajar kong percaya pa Tuhan Yesus. Abis itu, dorang samua kase dong pe diri untuk dapa baptis.

Roma 10:2

Kita sandiri so lia, dorang memang smangat skali berusaha mo iko pa Tuhan Allah. Tapi biar dorang smangat, dorang tara mangarti cara yang butul mo iko pa Tuhan Allah.