Lukas 12:45 - Perjanjian Baru Bahasa Melayu Maluku Utara

⁴⁵ Tapi kalu orang karja itu jahat, dia akan babilang di dia pe dalam hati bagini, ‘Kita pe tuang masi lama baru pulang.’ Kong dia mulai pukul pa orang-orang karja laki-laki deng parampuang, turus dia makang deng minum sampe mabo.

Lukas 12:45 Iomraidhean Croise

Matius 22:6

Mala yang laeng tangka pa orang-orang karja itu kong siksa, turus bunu pa dorang.

Lukas 12:44

Inga bae-bae yang Kita bilang ini, pasti dia pe tuang mo angka pa dia kong kase percaya pa dia untuk awasi samua dia pe tuang pe barang.

Lukas 12:46

Tapi nanti di hari yang dia tara sangka-sangka, deng di waktu yang dia tara tau, kage-kage dia pe tuang pulang. Turus dia pe tuang mo hukum pa dia deng hukuman yang barát. Dia dapa hukuman mati. Kong dia pe nasib sama deng orang-orang yang tara setia pa Tuhan Allah.

Lukas 21:34

Yesus bilang lagi, “Jaga ngoni pe diri bae-bae, jang sampe ngoni cuma bapikir tentang pesta sasaja deng baminum sampe mabo, atau ngoni kase hawater tentang ngoni pe hidup hari-hari. Karna kalu ngoni pe pikiran macam bagitu, ngoni tara akan siap waktu Anak Manusia yang dari sorga datang tiba-tiba, itu sama deng binatang yang tiba-tiba takanal dodeso.

Yohanes 2:10

kong bilang pa dia, “Biasa kalu orang biking pesta, dorang kase anggur yang paling bagus kamuka. Nanti kalu tamu so puas minum, baru kase kaluar anggur biasa. Tapi yang ngana biking ini laeng. Nanti so terahir baru ngana kase kaluar anggur yang paling bagus ini.”

Kisah Para Rasul 2:18

Kong pa orang-orang yang jaga biking apa yang Kita suru, dia laki-laki ka, parampuang ka, Kita mo kase Kita pe Roh pa dorang, la dorang mo dengar langsung Kita pe pasáng kong dorang kase turus pa orang-orang.

Roma 16:18

Barang orang-orang yang macam bagitu, sebenarnya dorang tara karja untuk Yesus Kristus torang pe Tuhan, tapi dorang karja iko dong pe mau sandiri. Dorang buju deng kata-kata yang kase sadap di talinga pa orang yang masi bolong mangarti mana yang bae deng mana yang tara bae, sampe orang-orang me iko pa dorang pe ajaran yang tara butul.

2 Korintus 11:20

Kong bukang cuma itu saja, ngoni me kase biar utusan-utusan yang bilang kata, dong itu hebat, dong biking pa ngoni macam deng orang karja yang tara dapa bayar. Dorang makang doi dari ngoni, dorang kuasai pa ngoni, dorang basombong kong injang-injang pa ngoni, deng dorang tampeleng pa ngoni.

1 Tesalonika 5:7

Orang-orang yang bagitu biasa cuma tidor-tidor deng mabo-mabo waktu malam.

2 Petrus 2:13

Tuhan Allah akan kase hukuman yang barát pa dorang untuk balas samua yang tara bae yang dorang so biking. Siang-siang me, dorang suka skali biking apa yang cuma kase sanang dong pe diri sandiri. Kong kalu ada acara makang-makang, dorang itu cuma kase puas dong pe diri saja. Dorang tara tau malu, jadi dong biking sampe ngoni jemaat pe nama bae rusak. Deng biking bagitu dorang sama deng noda yang biking kotor di kaeng satu yang bersi.

2 Petrus 2:19

Dorang ajar pa orang-orang yang baru percaya itu, deng bilang, “Kalu ngoni iko torang pe ajaran, ngoni akan bebas dari samua aturan. Jadi ngoni bole biking apa saja yang ngoni suka.” Padahal, guru-guru palsu itu sandiri tara bebas karna dong pe keinginan tara bae yang banya so kuasai pa dorang, kong itu yang biking dong berdosa. Barang, apa saja yang kuasai pa orang, itu yang biking dia berdosa.

Wahyu 16:6

Barang, orang-orang jahat so bunu pa orang-orang yang so jadi Tuhan Allah pe umat, deng pa nabi-nabi yang kase turus Tuhan Allah pe pasáng, sampe dong pe dara me tatumpa. Jadi Tuhan Allah biking samua aer jadi dara, kong orang-orang jahat itu cuma bisa minum aer yang so jadi dara itu. Itu hukuman yang paling pas untuk orang-orang jahat itu.”

Wahyu 18:24

Kota itu dapa hukum karna orang-orang di situ so bunu pa nabi-nabi yang kase turus Tuhan Allah pe pasáng, deng dong bunu pa orang-orang yang so jadi Tuhan Allah pe umat. Orang-orang di kota itu so sala, karna samua orang yang so mati di dunia waktu itu, dong yang bunu.”