Lukas 12:42 - Perjanjian Baru Bahasa Melayu Maluku Utara

⁴² Kong Tuhan Yesus jawab pa dorang pake umpama bagini, “Kalu ada orang karja yang pande deng setia pa dia pe tuang, dia pe tuang mo angka pa dia jadi kapala untuk kase makang pa samua dia pe orang karja yang laeng pas pa dia pe waktu.

Lukas 12:42 Iomraidhean Croise

Matius 13:52

Kong Yesus bilang pa dorang, “Jadi tiap guru agama yang ahli lima kitab Musa, kong dia lagi tau ajaran tentang Tuhan Allah Berkuasa sebagai Raja, dia itu sama deng tuang ruma yang kase kaluar harta yang baru deng harta yang lama dari dia pe tampa simpang harta.”

Matius 20:8

Waktu so mo malam, tuang kobong itu bilang pa dia pe mandor, ‘Pangge kamari samua orang karja itu kong bayar dong pe gaji. Ngana bayar pa dorang mulai dari yang maso paling ka balakang sampe yang maso paling kamuka.’

Lukas 12:43

Orang karja itu akan paling sanang skali kalu dia pe tuang datang, kong dapa riki dia sementara biking dia pe tugas itu bae-bae.

Lukas 7:13

Waktu Tuhan Yesus lia pa ibu janda itu, Dia rasa kasiang. Turus Dia bilang pa ibu itu, “Ibu, jang manangis e!”

Lukas 7:19

Pe dengar itu, Yohanes pangge dia pe murit dua orang kong suru pigi pa Tuhan Yesus la tanya bagini, “Bapa, Bapa ini suda yang Tuhan Allah so janji mo datang itu? Atau torang musti tunggu yang laeng?”

Kisah Para Rasul 20:28

Karna itu sudara-sudara, ngoni musti jaga bae-bae ngoni pe diri, deng jemaat yang Roh Kudus so kase pa ngoni untuk ngoni jaga. Ngoni jaga Tuhan Allah pe jemaat sama deng gembala yang jaga dia pe domba. Jemaat-jemaat itu so jadi Tuhan Allah punya, barang Dia pe Anak Yesus so mati di kayu salib untuk tebus pa torang.

1 Timotius 3:15

Jadi kalu kita ada alangan kong terlambat datang, kita pe surat so sampe pa ngana kamuka. Deng kita pe surat ini, ngana bole tau, bagimana orang percaya musti hidup sebagai Tuhan Allah pe keluarga. Kita pe maksut bilang Tuhan Allah pe keluarga, itu pe maksut, Tuhan Allah yang hidup pe jemaat. Dia pe jemaat itu yang musti pegang kuat ajaran yang butul, sama deng tiang raja deng fandasi yang biking ruma jadi kuat.

1 Timotius 5:17

Penatua-penatua jemaat yang biking dong pe tugas deng butul, dorang itu pantas dapa hormati deng kase honor dua kali lipa, lebe-lebe lagi deng dorang yang rajin kase tau Kabar Bae dari Tuhan Allah deng mangajar di jemaat.

2 Timotius 4:2

kase tau Tuhan Allah pe firman pa orang-orang. Ngana musti salalu siap kase tau firman itu di tiap waktu, biar orang mau dengar atau tarada. Kalu dorang biking sala, ngana togor pa dorang la dorang berenti. Turus ngana kase kuat dong pe hati la dong iko ajaran yang butul. Deng sementara ngana biking samua itu, ngana musti kase ajar bae-bae pa dorang deng sabar.

Titus 1:7

Barang, orang yang pimpin jemaat, dia pe karja itu urus Tuhan Allah pe jemaat. Dia pe cara hidup musti butul, tara sombong, tara pangmara, tara pangmabo, tara pukul-pukul orang, deng tara gila doi.

Ibrani 13:17

Ngoni musti dengar-dengaran pa ngoni pe pemimpin-pemimpin deng biking apa yang dorang parenta. Barang, dorang yang Tuhan Allah kase tugas untuk jaga ngoni pe percaya. Deng nanti dorang me musti tanggung jawab pa Tuhan Allah apa yang dong so biking itu. Ngoni musti dengar-dengaran pa dorang, la deng bagitu, dong bisa karja deng hati yang sanang. Tapi kalu ngoni tara dengar-dengaran pa dorang, dong pe hati susa, kong itu nanti biking ngoni rugi.

Ibrani 13:7

Ngoni inga pa ngoni pe pemimpin-pemimpin yang so kase tau Tuhan Allah pe firman pa ngoni. Ngoni perhatikan waktu dong masi hidup sampe dong pe ahir hidup, kong ngoni iko suda dong pe percaya pa Tuhan Allah.

Ibrani 3:5

Nabi Musa memang setia pa Tuhan Allah pe umat sama deng orang karja yang setia pa dia pe tuang. Nabi Musa setia kase tau pa Tuhan Allah pe umat tentang apa yang Tuhan Allah mo biking yang mo jadi nanti.

1 Petrus 4:10

Tiap orang dari ngoni so tarima karunia dari Tuhan Allah untuk layani satu deng yang laeng. Tuhan Allah kase karunia itu karna Dia pe bae, jadi tiap orang musti pake macam-macam karunia itu bae-bae.