Lukas 12:32 - Perjanjian Baru Bahasa Melayu Maluku Utara

³² Yesus bilang lagi, “Ngoni yang iko pa Kita cuma sadiki, sama deng domba-domba satu kelompok kacil. Tapi biar bagitu me jang ngoni tako! Karna ngoni pe Bapa sanang skali ngoni mo sama-sama deng Dia Berkuasa sebagai Raja.

Lukas 12:32 Iomraidhean Croise

Matius 14:27

Tapi Yesus langsung bilang pa dorang, “Tenang, jang tako! Ini Kita!”

Matius 20:16

Yesus bilang lagi, “Jadi dari umpama itu torang jadi tau, orang yang jadi orang penting di dunia ini, nanti jadi orang yang tara penting, kong orang yang tara penting di dunia ini, nanti jadi orang penting.”

Matius 25:34

Waktu itu, Anak Manusia yang so jadi Raja itu mo bilang pa orang-orang yang ada pa Dia pe sabla kanan, ‘Datang kamari suda ngoni yang Kita pe Bapa berkati! Datang suda di tampa yang Kita Berkuasa sebagai Raja, Kita so kase sadia tampa untuk ngoni di situ dari pertama waktu dunia ini jadi.

Matius 7:15

Yesus bilang lagi, “Ngoni musti ati-ati deng nabi-nabi palsu yang datang pa ngoni! Barang, dorang bilang kata, dorang itu orang yang jaga kase turus Tuhan Allah pe pasáng, padahal bukang. Dorang pura-pura bae sama deng domba, padahal dorang jahat sama deng anjing utang.

Lukas 10:21

Waktu itu suda, Roh Kudus kuasai pa Yesus kong biking Dia pe hati sanang. Kong Dia bilang, “Kita bilang tarimakasi pa Bapa, Tuhan yang berkuasa di sorga deng di bumi. Kita bilang tarimakasi karna Bapa tara kase tau samua itu deng jelas pa orang-orang yang pande deng yang tau banya hal. Tapi pa orang-orang biasa, Bapa biking sampe dorang mangarti. Ya Bapa, itu suda yang biking Bapa pe hati sanang.

Yohanes 18:36

Kong Yesus bilang pa dia, “Kita pe kerajaan bukang dari dunia ini. Barang, kalu Kita jadi Raja di dunia ini, pasti orang-orang yang jaga biking apa yang Kita suru so datang baku prang untuk bela pa Kita, supaya Kita tara dapa serakan pa pemimpin-pemimpin agama Yahudi. Tapi Kita pe kerajaan memang bukang di dunia ini.”

Kisah Para Rasul 20:28

Karna itu sudara-sudara, ngoni musti jaga bae-bae ngoni pe diri, deng jemaat yang Roh Kudus so kase pa ngoni untuk ngoni jaga. Ngoni jaga Tuhan Allah pe jemaat sama deng gembala yang jaga dia pe domba. Jemaat-jemaat itu so jadi Tuhan Allah punya, barang Dia pe Anak Yesus so mati di kayu salib untuk tebus pa torang.

Kisah Para Rasul 20:29

Kita tau kalu kita so kase tinggal pa ngoni nanti, ada orang-orang yang dong pe sifat sama deng anjing utang yang jahat mo maso pa ngoni pe tenga-tenga, kong dorang berusaha mo kase ancor jemaat yang ngoni jaga itu.

Roma 6:23

Karna orang yang jaga biking dosa, dia pe akibat dia mo mati kong tapisa deng Tuhan Allah slama-lamanya. Tapi Tuhan Allah kase deng cuma-cuma hidup deng Dia slama-lamanya karna torang so satu hati deng Kristus Yesus, torang pe Tuhan.

1 Korintus 1:21

Karna biar manusia pande skali, manusia tara bisa kanal Tuhan Allah deng dong pe pande. Tapi Tuhan Allah itu tau samua hal kong Dia biking rencana yang bae, sampe Dia mau kase slamat pa orang-orang yang percaya Kabar Bae itu, biar banya orang bilang kata, itu orang bodo pe carita.

Filipi 2:13

Barang, Tuhan Allah sandiri yang bakarja di ngoni pe hati, supaya ngoni mau deng mampo iko apa yang Dia ingin ngoni biking.

2 Tesalonika 1:11

Kong karna torang tau Tuhan mo datang, torang salalu berdoa lagi untuk ngoni. Tuhan Allah so pangge pa ngoni jadi Dia pe umat sandiri, jadi torang berdoa la Tuhan biking ngoni pantas jadi Dia pe umat. Torang me berdoa supaya Tuhan Allah pake Dia pe kuasa la tolong pa ngoni kase selesai samua hal yang bae yang ngoni suka mo biking, ngoni biking samua itu karna ngoni percaya pa Yesus.

2 Tesalonika 1:5

Waktu torang dengar ngoni pe kabar bagitu, torang tau, samua yang Tuhan Allah biking itu adil. Ngoni skarang dapa siksa karna percaya pa Tuhan, tapi ngoni tetap percaya pa Dia. Jadi ngoni pantas jadi Tuhan Allah pe umat yang Dia Berkuasa sebagai Raja pa ngoni pe hidup.

Ibrani 12:28

Jadi mari suda, torang bilang tarimakasi pa Tuhan Allah karna torang so jadi Dia pe umat pa Dia pe kerajaan yang tara akan tagoyang deng ancor slama-lamanya. Mari torang semba pa Tuhan Allah deng cara yang biking Dia pe hati sanang, torang semba deng rasa tako kong hormati pa Dia.

Yakobus 2:5

Sudara-sudara yang kita sayang, dengar yang kita mo bilang ini: orang miskin yang ada di dunia ini, Tuhan Allah so pili pa dorang la butul-butul percaya pa Dia. Dorang itu yang mo jadi Tuhan Allah pe umat yang Dia Berkuasa sebagai Raja pa dorang pe hidup, sama deng yang Dia so janji pa samua orang yang sayang pa Dia.

2 Petrus 1:11

Deng bagitu, nanti Tuhan Allah akan buka pintu sorga untuk ngoni, Dia akan tarima pa ngoni di Tuhan Yesus Kristus pe tampa berkuasa sebagai Raja. Tuhan Yesus Kristus itu yang kase slamat pa torang, deng Dia itu yang jadi Raja slama-lamanya.

Wahyu 1:6

Dia Raja, kong Dia pili pa torang jadi Dia pe rakyat. Dia me angka pa torang sama deng imam-imam yang pe tugas kusus untuk semba deng puji pa Tuhan Allah, Dia pe Bapa. Cuma pa Dia saja samua yang ada di dunia ini puji deng hormat, deng Dia yang berkuasa sampe slama-lamanya. Amin.

Wahyu 22:5

Di kota itu, tarada malam. Jadi Tuhan Allah pe umat, dong so tara perlu lagi cahaya lampu atau sinar matahari, karna Tuhan Allah pe diri sandiri yang jadi sinar untuk kase tarang pa dorang. Kong dorang mo berkuasa sebagai raja sampe slama-lamanya.