Lukas 12:20 - Perjanjian Baru Bahasa Melayu Maluku Utara

²⁰ Tapi Tuhan Allah bilang pa dia, ‘Woe, ngana ini bodo. Malam ini suda ngana akan mati. Kong harta yang ngana so simpang banya-banya itu mo jadi orang laeng punya.’

Lukas 12:20 Iomraidhean Croise

Lukas 11:40

Pe bodo skali ngoni ini! Tuhan Allah itu suda yang biking ngoni pe badan, deng Dia itu me yang biking ngoni pe hati.

1 Tesalonika 5:3

Ada dia pe waktu orang-orang mo bilang bagini, “Torang pe hidup tenang deng aman. Jadi torang tara perlu tako apa-apa.” Tapi kage-kage dorang itu mo dapa siksa skali. Dorang tara lolos dari hukuman itu. Siksa yang dorang rasa itu, sama deng parampuang pe siksa waktu melahirkan.

1 Timotius 6:17

Timotius, ngana musti kase inga pa orang-orang kaya di dunia ini, supaya jang dorang basombong deng jang cuma baharap pa dong pe harta saja. Barang, harta di dunia ini, hari ini ada, tapi beso so abis. Dorang yang kaya itu musti baharap pa Tuhan Allah. Tuhan Allah kase pa torang apa yang torang perlu. Dia yang kase samua pa torang sampe talebe-lebe, supaya torang bole rasa samua itu.

1 Timotius 6:7

Karna waktu torang lahir di dunia ini, torang tara bawa apa-apa. Bagitu lagi kalu torang mati, torang tara bisa bawa apa-apa.

Yakobus 4:14

Ngoni bilang bagitu, padahal ngoni tara tau apa yang mo jadi beso. Torang pe hidup ini sama deng uap yang muncul, tara lama kong ilang.