Lukas 12:17 - Perjanjian Baru Bahasa Melayu Maluku Utara

¹⁷ Kong dia babilang dalam hati bagini, ‘Kita so tarada tampa lagi untuk simpang kita pe hasil kobong kong dia pe hasil sisa yang laeng kita mo taru di mana? Apa yang musti kita biking?’

Lukas 12:17 Iomraidhean Croise

Matius 16:7

Pe dengar itu, murit-murit baku bilang, “Ee, Guru bilang bagitu, barang torang tara bawa roti.”

Matius 5:42

Kalu ada orang yang minta apa-apa pa ngoni, ngoni kase suda pa dia apa yang dia minta. Kong kalu ada orang yang mo pinjam apa-apa pa ngoni, ngoni kase pinjam suda pa dia.”

Lukas 10:25

Satu kali, ada guru agama satu yang ahli lima kitab Musa mo cari-cari Yesus pe sala. Jadi dia badiri kong batanya bagini, “Guru, kita musti biking apa supaya kita bole dapa hidup deng Tuhan Allah slama-lamanya?”

Lukas 11:41

Karna itu, ngoni kase suda apa yang ada pa ngoni deng hati yang bae untuk tolong orang-orang miskin, la deng bagitu ngoni mo biking ngoni pe diri deng hati jadi butul-butul bersi.

Lukas 12:16

Turus, Yesus kase carita umpama satu pa dorang, “Ada orang kaya satu yang dia pe kobong pe hasil banya skali sampe dia pe gudang me so sasa.

Lukas 12:18

Turus dia bapikir lagi, ‘Ini yang kita mo biking: kita mo bongkar gudang-gudang, kong kita mo biking yang lebe basar lagi. Di situ kita bisa simpang samua hasil kobong deng kita pe barang-barang yang laeng.

Lukas 12:22

Turus, Yesus bilang pa Dia pe murit-murit bagini, “Karna itu, Kita bilang pa ngoni: tara usa ngoni hawater deng ngoni pe hidup, apa yang ngoni mo makang. Ngoni me tara usa hawater deng ngoni pe badan, apa yang ngoni mo pake.

Lukas 12:29

Jadi, tara usa suda ngoni hawater deng pikir-pikir tentang apa yang ngoni mo makang atau apa yang ngoni mo minum.

Lukas 12:33

Jual suda ngoni pe harta kong kase dia pe doi untuk orang-orang miskin! Kalu ngoni biking bagitu, itu sama deng ngoni ada kumpul harta di sorga yang tara akan mo abis-abis. Karna di sorga tara ada papancuri yang mo ambe harta itu deng tarada gai yang mo kase rusak harta itu.

Lukas 16:3

Turus orang karja itu bilang dalam hati bagini, ‘Ado, kita pe tuang pecat pa kita. Skarang kita mo biking apa? Mo bapacol, kita tara poha. Mo baminta-minta di orang, kita malu.

Lukas 16:9

Jadi ini yang Kita mo bilang pa ngoni: pake ngoni pe harta dunia untuk tolong orang supaya bole dapa banya tamang. Jadi kalu ngoni pe harta so abis, ngoni nanti mo dapa tarima di ngoni pe tampa tinggal di sorga.

Lukas 18:22

Pe dengar itu, Yesus bilang, “Tapi masi ada satu yang ngana bolong biking. Ngana jual samua ngana pe harta kong kase bage-bage doi itu pa orang-orang miskin. Kalu ngana biking bagitu, ngana dapa harta di sorga. Abis itu, kamari suda la iko pa Kita.”

Lukas 19:17

Kong raja bilang pa dia pe orang karja itu bagini, ‘Ngana pe karja bagus skali, ngana orang karja yang bae. Ngana so setia deng hal yang kacil skali. Karna itu, skarang kita angka pa ngana kase ngana kuasa untuk bapimpin spulu kota.’

Lukas 3:11

Yohanes bilang, “Sapa yang ada baju dua, satu musti kase pa orang yang tarada baju, deng sapa yang ada makanang, musti kase lagi pa orang yang tarada makanang.”

Kisah Para Rasul 16:30

Dia bawa pa dorang dua kaluar, kong batanya pa dorang, “Bapa-bapa, apa yang musti kita biking la kita bole dapa slamat dari kita pe dosa-dosa?”

Kisah Para Rasul 2:37

Waktu orang banya dengar apa yang Petrus bilang itu, dorang manyasal skali kong tanya pa Petrus deng pa rasul-rasul yang laeng, “Sudara-sudara, torang so sala, jadi skarang torang musti biking apa, supaya Tuhan Allah jang hukum pa torang?”

Roma 12:13

Ngoni musti tolong pa orang-orang yang so jadi Tuhan Allah pe umat yang pe hidup kekurangan. Kong ngoni musti tarima pa orang-orang di ngoni pe ruma deng hati sanang.

1 Timotius 6:17

Timotius, ngana musti kase inga pa orang-orang kaya di dunia ini, supaya jang dorang basombong deng jang cuma baharap pa dong pe harta saja. Barang, harta di dunia ini, hari ini ada, tapi beso so abis. Dorang yang kaya itu musti baharap pa Tuhan Allah. Tuhan Allah kase pa torang apa yang torang perlu. Dia yang kase samua pa torang sampe talebe-lebe, supaya torang bole rasa samua itu.

1 Yohanes 3:16

Torang tau sayang yang butul-butul itu sama deng Yesus Kristus pe sayang. Dia so kase Dia pe diri sampe mati untuk torang supaya torang dapa slamat. Jadi torang me musti siap kase tong pe diri sampe mati untuk torang pe sudara-sudara yang percaya.