Lukas 10:9 - Perjanjian Baru Bahasa Melayu Maluku Utara

⁹ Turus, ngoni kase sembu pa orang-orang saki di tampa itu, deng kase tau pa orang-orang di situ, ‘So tara lama lagi Tuhan Allah mo Berkuasa sebagai Raja pa orang-orang yang percaya pa Dia.’

Lukas 10:9 Iomraidhean Croise

Matius 3:2

“Bertobat suda kong iko pa Tuhan Allah, karna so tara lama lagi Tuhan Allah mo Berkuasa sebagai Raja pa orang-orang yang percaya pa Dia.”

Matius 4:17

Waktu di Kapernaum, Yesus mulai kase tau Tuhan Allah pe pasáng pa orang-orang, “Bertobat suda kong iko pa Tuhan Allah, karna so tara lama lagi Tuhan Allah mo Berkuasa sebagai Raja pa orang-orang yang percaya pa Dia!”

Markus 4:30

Abis itu, Yesus bilang pa dorang lagi, “Kalu Tuhan Allah Berkuasa sebagai Raja pa Dia pe umat, torang mo kase sama deng apa? Atau mo kase jelas deng umpama apa?

Markus 6:13

Dorang user banya setang, deng dorang goso minya pa orang-orang yang saki la orang-orang saki itu sembu.

Lukas 10:10

Tapi kalu ngoni maso di satu kota ka, kampong ka, kong orang-orang di situ tara tarima pa ngoni, pigi di jalang-jalang basar kong bilang kuat-kuat bagini,

Lukas 10:11

‘Ngoni so tolak Tuhan pe Kabar Bae, jadi torang mo pigi suda. Abu dari ngoni pe kota yang ada pa torang pe kaki me, torang tada di sini la kase inga ngoni so sala pa Tuhan Allah. Skarang ngoni tanggung ngoni pe hukuman suda. Tapi ngoni inga ini e: so tara lama lagi Tuhan Allah mo Berkuasa sebagai Raja pa orang-orang yang percaya.’ ”

Lukas 9:2

Abis itu, Yesus suru dorang pigi kase tau pa orang-orang tentang bagimana Tuhan Allah Berkuasa sebagai Raja pa Dia pe umat deng Dia suru dong pigi kase sembu pa orang-orang yang saki.

Yohanes 3:3

Yesus bilang pa dia, “Inga bae-bae yang Kita mo bilang ini. Cuma orang yang lahir ulang, yang bisa jadi Tuhan Allah pe umat yang Dia Berkuasa sebagai Raja pa orang itu pe hidup.”

Yohanes 3:5

Yesus bilang, “Inga bae-bae yang Kita mo bilang ini: tiap orang yang ingin jadi Tuhan Allah pe umat, dia musti lahir dari aer, deng lahir lagi dari Roh Kudus. Kalu tara bagitu, Tuhan Allah tara Berkuasa sebagai Raja pa dia pe hidup.

Kisah Para Rasul 28:28

Abis itu, Paulus bilang lagi, “Jadi sudara-sudara, ngoni musti tau, orang-orang yang bukang Yahudi itu mo dapa slamat dari Tuhan Allah, barang dorang mau dengar deng tarima Kabar Bae dari Tuhan Allah ini yang biking dorang slamat.” [

Kisah Para Rasul 28:31

Paulus kase tau pa dorang tentang bagimana Tuhan Allah Berkuasa sebagai Raja pa Dia pe umat. Dia me kase ajar pa dorang tentang Tuhan Yesus Kristus. Dia bicara turus tarang deng barani, kong tarada yang larang pa dia.