Lukas 10:7 - Perjanjian Baru Bahasa Melayu Maluku Utara

⁷ Kalu ada orang yang so tarima pa ngoni, ngoni tinggal suda di ruma itu. Jang ngoni pinda-pinda tampa. Makang deng minum apa saja yang dong kase pa ngoni, karna sapa yang bakarja, dia pantas mo dapa upah dari dia pe karja itu.

Lukas 10:7 Iomraidhean Croise

Markus 6:10

Kong Yesus bilang lagi pa dorang bagini, “Kalu di satu tampa ada yang so tarima pa ngoni di dorang pe ruma, tinggal suda di situ sampe ngoni kaluar dari tampa itu.

Lukas 10:6

Kong kalu orang di ruma itu tarima pa ngoni, berkat yang ngoni minta itu akan ada pa dorang. Tapi kalu orang di ruma itu tara tarima pa ngoni, berkat yang ngoni minta itu tara jadi pa dorang.

Lukas 9:4

Kalu ada yang so tarima pa ngoni di dorang pe ruma, tinggal suda di situ sampe ngoni bapinda dari kota itu.

Kisah Para Rasul 16:15

Abis itu, Lidia deng samua orang yang tinggal satu ruma deng dia dapa baptis dari dong Paulus. Turus Lidia undang pa torang deng bilang, “Kalu ngoni so yakin kita butul-butul percaya pa Tuhan Yesus, mari suda ngoni tinggal pa kita pe ruma biar cuma babarapa hari.” Lidia babuju turus sampe torang iko dia pe mau.

Kisah Para Rasul 16:34

Abis itu, kapala penjara itu bawa pa dorang dua pa dia pe ruma kong kase makang pa dorang. Dia deng samua orang yang tinggal di dia pe ruma sanang skali, barang dorang samua skarang so percaya pa Tuhan Allah.

Kisah Para Rasul 16:40

Pe kaluar dari penjara, Paulus deng Silas langsung pigi di Lidia pe ruma. Di situ dorang baku dapa deng sudara-sudara laeng yang percaya pa Yesus, kong dorang dua kase kuat sudara-sudara itu pe percaya. Abis itu, dorang dua kaluar dari kota Filipi.

Galatia 6:6

Tiap orang yang dapa kase ajar Tuhan Allah pe firman, dia itu musti barbage dia pe hasil karja pa orang yang so kase ajar Tuhan Allah pe firman itu.

1 Timotius 5:13

Jadi kalu jemaat so bantu pa janda-janda yang umur bolong anam pulu taong, jang sampe dorang jadi pamalas deng suka kaluar maso orang pe ruma kong bacarita orang pe busu, suka campur orang laeng pe urusan, deng bacarita barang yang tara bae.

2 Timotius 2:6

Ambe conto laeng. Kalu petani, dia musti karja karas di dia pe kobong, jadi dia yang pertama dapa kobong itu pe hasil. Bagitu me deng torang, torang karja untuk Tuhan pasti torang dapa berkat.