Lukas 10:39 - Perjanjian Baru Bahasa Melayu Maluku Utara

³⁹ Marta ada sudara parampuang satu, nama Maria. Waktu Yesus ada pa dorang pe ruma, Maria dudu badekat deng Tuhan kong dengar turus Dia pe ajaran.

Lukas 10:39 Iomraidhean Croise

Lukas 10:42

Padahal, yang penting itu cuma satu, kong Maria so pili yang bae itu, yang dia ada biking skarang. Jadi orang tara bisa ambe itu dari dia.”

Lukas 2:46

Pe hari ketiga, baru dorang dapa pa Dia di Ruma Ibada Pusat pe kompleks. Dia ada sementara dudu di guru-guru agama Yahudi pe tenga-tenga, Dia dengar deng tanya-tanya pa dorang.

Lukas 8:35

Abis itu, orang-orang dari kota deng kampong-kampong di dekat situ datang untuk lia apa yang jadi. Dorang datang pa Yesus kong lia orang yang kemasukan so dudu di dekat Yesus pe kaki, dia so bae kong dia so pake baju. Pe lia itu, dorang jadi tako.

Yohanes 11:1

Ada laki-laki satu yang saki barát. Dia pe nama Lazarus. Dia tinggal di kampong Betania, sama-sama deng dia pe kaka parampuang dua. Dorang dua pe nama, Maria deng Marta.

Yohanes 11:19

Jadi banya orang agama Yahudi dari Yerusalem so datang pa Marta deng Maria untuk hibur pa dorang, barang dong dua pe sudara Lazarus so mati.

Yohanes 12:3

Waktu dorang sementara makang, Maria ambe minya wangi narwastu asli stenga liter. Minya wangi itu pe harga mahal skali. Kong dia siram minya wangi itu palang-palang pa Yesus pe kaki, turus dia goso Yesus pe kaki deng dia pe rambu. Minya wangi itu pe bobou langsung dapa ciom di samua tampa di dalam ruma itu.

Kisah Para Rasul 22:3

“Kita ini orang Yahudi. Kita lahir di Tarsus di daera Kilikia, tapi basar di kota Yerusalem ini. Kita pe guru agama pa bapa Gamaliel. Dia ajar bae-bae pa kita aturan-aturan di lima kitab Musa yang torang pe orang tua dulu-dulu tarima. Kita berusaha skali iko Tuhan Allah pe mau, sama deng ngoni samua skarang ini.