Lukas 10:36 - Perjanjian Baru Bahasa Melayu Maluku Utara

³⁶ Abis itu, Yesus batanya pa guru agama Yahudi itu, “Jadi, menurut ngoni, dari tiga orang itu, sapa yang kase tunju rasa kasiang pa orang yang dapa rampok itu?”

Lukas 10:36 Iomraidhean Croise

Matius 17:25

Kong dia bilang pa dorang, “Iyo, Dia salalu bayar.” Waktu Simon Petrus maso di ruma, Yesus tanya pa dia kamuka, “Simon, kalu menurut ngana, sapa yang musti bayar pajak pa raja-raja yang berkuasa di dunia ini? Dorang pe ana-ana sandiri atau orang laeng?”

Matius 22:42

“Coba ngoni bilang pa Kita, apa ngoni pe pendapat tentang Mesias, Raja yang Tuhan Allah janji, Dia itu sapa pe turunan?” Kong dorang jawab pa Yesus, “Dia itu raja Daud pe turunan.”

Lukas 10:35

Dia pe beso, orang Samaria itu kase doi perak dua pa pemilik penginapan. Dia bilang, ‘Bapa, tolong urus orang ini bae-bae. Ini dia pe ongkos, kong kalu doi ini masi kurang, nanti kita bale, baru kita tamba.’ ”

Lukas 10:37

Guru agama Yahudi itu jawab, “Orang yang so kase tunju dia pe rasa kasiang pa dia.” Kong Yesus bilang pa dia, “Butul itu! Jadi skarang, pigi suda kong biking sama deng itu.”

Lukas 7:42

Tapi dorang dua itu tara mampo kase pulang doi itu. Jadi orang yang kase pinjam doi itu hapus dorang pe utang. Skarang menurut ngana Simon, sapa dari dong dua itu yang lebe sayang pa orang yang kase pinjam doi?”