Lukas 10:3 - Perjanjian Baru Bahasa Melayu Maluku Utara

³ Skarang ngoni pigi, tapi inga bae-bae, Kita utus pa ngoni pigi di tenga-tenga orang jahat, itu sama deng domba pe ana satu ekor pigi di tenga-tenga anjing utang.

Lukas 10:3 Iomraidhean Croise

Matius 10:16

Yesus bilang lagi pa Dia pe murit-murit, “Dengar e! Kita utus pa ngoni pigi di tenga-tenga orang jahat, itu sama deng domba pe ana satu ekor pigi di tenga-tenga anjing utang. Jadi ngoni musti banya akal sama deng ular, deng ngoni pe hati musti tulus sama deng burung pombo.

Matius 10:22

Kong samua orang akan binci pa ngoni karna ngoni iko pa Kita. Tapi orang yang tetap percaya pa Kita sampe dia pe ahir hidup, dia itu yang Tuhan Allah mo kase slamat.

Matius 7:15

Yesus bilang lagi, “Ngoni musti ati-ati deng nabi-nabi palsu yang datang pa ngoni! Barang, dorang bilang kata, dorang itu orang yang jaga kase turus Tuhan Allah pe pasáng, padahal bukang. Dorang pura-pura bae sama deng domba, padahal dorang jahat sama deng anjing utang.

Lukas 10:4

Waktu ngoni pigi, jang bawa dompet, jang bawa tas atau jang bawa sandal. Jang bacarita banya deng orang di jalang, tapi bajalang turus.

Yohanes 10:12

Tapi orang yang bukang domba pe gembala, dia dapa bayar untuk jaga domba-domba itu. Domba-domba itu bukang dia punya, jadi waktu dia lia anjing utang datang, dia lari kase tinggal domba-domba itu sampe anjing utang datang serang domba-domba itu, kong domba-domba laeng jadi tako kong lari takaruang.

Yohanes 15:20

Ngoni musti inga apa yang Kita so bilang pa ngoni, ‘orang karja tara lebe penting dari dia pe tuang’. Kalu orang-orang so siksa pa Kita di dunia ini, dorang lagi pasti akan siksa pa ngoni. Tapi kalu orang-orang biking Kita pe ajaran, dorang lagi mo biking ajaran yang ngoni ada kase ajar.

Yohanes 16:2

Barang, deng ngoni iko pa Kita, nanti ada dia pe waktu, pemimpin-pemimpin agama Yahudi so tara kase bae pa ngoni mo baibada lagi di ruma-ruma ibada. Mala mo ada dia pe waktu lagi, orang-orang mo bunu pa ngoni, barang dorang pikir, itu Tuhan Allah pe mau.

Kisah Para Rasul 20:29

Kita tau kalu kita so kase tinggal pa ngoni nanti, ada orang-orang yang dong pe sifat sama deng anjing utang yang jahat mo maso pa ngoni pe tenga-tenga, kong dorang berusaha mo kase ancor jemaat yang ngoni jaga itu.

Kisah Para Rasul 9:16

Kita sandiri yang akan kase tunju pa dia, dia mo dapa banya siksa karna dia iko pa Kita.”

Kisah Para Rasul 9:2

kong minta surat kuasa supaya dia bawa di ruma-ruma ibada agama Yahudi di kota Damsyik. Surat itu dia pake la mo tangka pa sapa saja yang iko Yesus pe ajaran, biar itu laki-laki atau parampuang. Dia pe maksut mo bawa pa dorang la dapa urus di Yerusalem.