Lukas 10:28 - Perjanjian Baru Bahasa Melayu Maluku Utara

²⁸ Yesus bilang pa guru agama Yahudi itu, “Butul yang ngana bilang itu! Kalu ngana biking bagitu, ngana akan hidup deng Tuhan Allah slama-lamanya.”

Lukas 10:28 Iomraidhean Croise

Matius 19:17

Yesus bilang pa dia, “Bikiapa kong ngana tanya pa Kita tentang apa yang bae? Yang bae cuma Tuhan Allah. Kalu ngana mau dapa hidup deng Tuhan Allah slama-lamanya, ngana musti iko Tuhan Allah pe parenta-parenta.”

Markus 12:34

Yesus lia dia jawab bagus, kong Yesus bilang pa dia bagini, “Ngana ini so mo siap jadi Tuhan Allah pe umat yang Dia Berkuasa sebagai Raja.” Abis itu, so tarada satu orang lagi yang barani mo batanya pa Yesus.

Lukas 7:43

Simon jawab, “Orang yang paling banya dapa hapus dia pe utang kaapa.” Yesus bilang, “Ngana pe jawaban itu butul.”

Roma 10:4

Tuhan Allah pe jalang itu Yesus Kristus. Karna deng Yesus Kristus mati, orang tara usa iko aturan yang ada di lima kitab Musa lagi untuk jadi orang yang butul pa Tuhan Allah pe muka. Kalu dorang percaya pa Yesus Kristus, dorang itu mo jadi orang yang tara sala pa Tuhan Allah pe muka.

Roma 3:19

Samua tulisan itu ada di Kitab Suci. Torang so tau, aturan di lima kitab Musa itu Tuhan Allah kase supaya torang orang Yahudi iko. Jadi deng aturan itu, ada kase jelas, tarada satu orang yang bole bilang, dia itu so butul pa Tuhan Allah pe muka. Samua orang di dunia pantas dapa hukum dari Tuhan Allah.

Roma 7:10

Jadi kita pantas mati kong tapisa deng Tuhan Allah slama-lamanya. Padahal, sebenarnya kalu kita biking aturan di lima kitab Musa, kita bole hidup deng Tuhan Allah slama-lamanya. Tapi waktu kita tau aturan itu, mala kita lebe tamba lagi biking dosa, sampe kita nanti mo dapa hukum kong tapisa deng Tuhan Allah slama-lamanya.

Galatia 3:12

Tapi kalu torang berusaha iko aturan-aturan di lima kitab Musa supaya jadi butul pa Tuhan Allah pe muka, itu berarti, torang bagantong pa torang pe diri sandiri untuk jadi orang yang butul pa Dia pe muka, torang tara bagantong pa torang pe percaya pa Tuhan Allah. Karna di Kitab Suci ada tatulis bagini, “Orang yang iko samua aturan di lima kitab Musa, dorang hidup cuma iko-iko aturan-aturan itu.”