Lukas 10:24 - Perjanjian Baru Bahasa Melayu Maluku Utara

²⁴ Barang, dulu banya nabi deng raja suka mo lia apa yang ngoni lia skarang ini, tapi dorang tara riki lia. Dorang me suka mo dengar apa yang ngoni dengar skarang ini, tapi dorang tara riki dengar.”

Lukas 10:24 Iomraidhean Croise

Matius 13:16

Tapi ngoni yang iko pa Kita ini, ngoni paling sanang suda karna Tuhan Allah so biking ngoni bole lia deng mata kapala sandiri, deng ngoni bole dengar deng talinga sandiri.

Lukas 10:23

Abis itu, Yesus mangada pa Dia pe murit-murit, Dia bicara cuma pa dorang saja, Dia bilang, “Ngoni paling sanang suda, karna ngoni so lia apa yang Kita biking.

Lukas 10:25

Satu kali, ada guru agama satu yang ahli lima kitab Musa mo cari-cari Yesus pe sala. Jadi dia badiri kong batanya bagini, “Guru, kita musti biking apa supaya kita bole dapa hidup deng Tuhan Allah slama-lamanya?”

Yohanes 8:56

Ngoni pe orang tua dulu-dulu Abraham sanang skali waktu dia masi hidup, barang dia tau Tuhan Allah pe janji, nanti dia mo lia Kita datang. Kong skarang waktu Kita datang, Abraham so lia Kita so datang, jadi dia sanang skali.”

Ibrani 11:13

Orang tua dulu-dulu yang tadi kita so bilang itu tetap percaya pa Tuhan Allah sampe dorang mati. Waktu dorang masi hidup, memang dorang bolong tarima apa yang Tuhan Allah janji pa dorang. Tapi dorang yakin dong akan tarima itu, jadi bole kase sama deng dorang ada balia dari jao apa yang Tuhan Allah janji pa dorang kong dorang sambut itu. Kong sementara dorang tunggu Tuhan pe janji mo jadi pa dorang, dong jaga bilang dong pe diri di dunia itu sama deng tamu deng pendatang saja yang tinggal tara lama di dunia ini.

Ibrani 11:39

Dorang samua itu hidup di dunia kase sanang Tuhan Allah pe hati, karna dorang pe percaya pa Tuhan Allah. Padahal dorang bolong tarima apa yang Tuhan Allah janji pa dorang.