Lukas 10:2 - Perjanjian Baru Bahasa Melayu Maluku Utara

² Dia bilang pa dorang, “Orang yang so siap dengar deng mau tarima Kabar Bae dari Tuhan Allah itu banya skali, sama deng gandum pe banya di kobong yang so siap mo pete, tapi orang-orang yang mo bapete cuma sadiki. Karna itu, ngoni minta suda pa Tuhan Allah yang punya kobong itu, supaya Dia tamba orang yang mo bapete pa Dia pe kobong.

Lukas 10:2 Iomraidhean Croise

Matius 20:1

Yesus bilang lagi, “Cara Tuhan Allah Berkuasa sebagai Raja, sama deng umpama ini. Ada tuang tana satu yang ada kobong anggur. Masi amper siang, dia so kaluar cari orang-orang la bakarja pa dia pe kobong anggur.

Markus 13:34

Waktu Anak Manusia yang dari sorga mo datang ulang, Kita kase conto sama deng tuang ruma satu yang kase tinggal dia pe ruma karna mo pigi di tampa yang jao. Sebelum dia pigi, dia kase tanggung jawab pa dia pe orang-orang karja la urus dia pe ruma, deng dia kase bagi pa dorang tugas masing-masing. Dia me suru pa penjaga la bajaga-jaga turus.

Markus 16:15

Abis itu Yesus bilang pa dorang, “Pigi suda di seluru dunia ini, la kase tau Kabar Bae dari Tuhan Allah pa samua orang.

Markus 16:20

Abis itu, Yesus pe murit-murit pigi di seluru dunia kase tau Kabar Bae tentang Yesus Kristus pa orang-orang. Kong, Tuhan me bantu pa dorang biking mujizat-mujizat supaya orang-orang jadi tau Tuhan Allah pe firman itu butul.

Lukas 9:1

Yesus pangge Dia pe murit dua blas orang, kong Dia kase kekuatan deng kuasa pa dorang untuk user setang-setang deng untuk kase sembu orang yang panyake macam-macam.

Kisah Para Rasul 11:19

Tempo hari, abis Stefanus dapa bunu, orang-orang laeng yang percaya pa Yesus me dapa siksa sampe dorang lari so tara baku tau. Ada yang lari sampe di daera Fenisia, pulo Siprus deng di kota Antiokhia di daera Siria. Orang-orang yang lari itu kase tau Kabar Bae tentang Yesus cuma pa orang-orang Yahudi saja.

Kisah Para Rasul 13:2

Satu kali, waktu dorang berdoa pa Tuhan Allah deng bapuasa, Roh Kudus bicara pa dorang, “Kita so pili pa Barnabas deng Saulus untuk biking tugas yang Kita mo kase pa dorang. Jadi, kase dorang kusus pa Kita.”

Kisah Para Rasul 13:4

Abis itu, Barnabas deng Saulus biking dorang pe tugas yang Roh Kudus suru pa dorang dua. Dorang pigi di kota Seleukia, kong dari situ dorang balayar ka sana di pulo Siprus.

Kisah Para Rasul 20:28

Karna itu sudara-sudara, ngoni musti jaga bae-bae ngoni pe diri, deng jemaat yang Roh Kudus so kase pa ngoni untuk ngoni jaga. Ngoni jaga Tuhan Allah pe jemaat sama deng gembala yang jaga dia pe domba. Jemaat-jemaat itu so jadi Tuhan Allah punya, barang Dia pe Anak Yesus so mati di kayu salib untuk tebus pa torang.

Kisah Para Rasul 22:21

Tapi Tuhan bilang pa kita, ‘Pigi suda, barang Kita mo utus pa ngana pigi jao dari sini untuk kase tau tentang Kita pa orang-orang yang bukang Yahudi la dorang percaya.’ ”

Kisah Para Rasul 8:4

Orang-orang percaya yang lari tapisa-pisa itu, dorang kase tau Kabar Bae tentang Yesus Kristus di samua tampa yang dong pigi.

1 Korintus 12:28

Jadi Tuhan Allah so kase pa ngoni tiap-tiap orang di jemaat, dia pe tugas masing-masing macam bagini: pertama, ada Yesus Kristus pe utusan-utusan yang kase tau Kabar Bae pa orang-orang, dorang itu orang sebut rasul-rasul. Kedua, ada yang jaga kase turus Tuhan Allah pe pasáng, dorang itu orang sebut nabi-nabi. Ketiga, ada yang jadi guru yang kase ajar Tuhan pe ajaran. Turus, ada orang-orang yang Tuhan kase karunia untuk biking mujizat, yang laeng Dia kase karunia untuk kase sembu orang saki, yang laeng Dia kase karunia untuk tolong pa orang-orang, deng yang laeng lagi dapa karunia untuk pimpin Tuhan Allah pe jemaat. Kong ada lagi yang dapa karunia untuk bicara pake macam-macam bahasa yang Roh Kudus kase.

1 Korintus 15:10

Tapi kita jadi rasul skarang, cuma karna Tuhan Allah pe bae pa kita. Deng Dia pe bae itu tara parcuma. Mala dari samua rasul, yang karja karas itu kita. Tapi samua karja itu kita mampo biking bukang karna kita pe kemampuan sandiri, tapi karna Tuhan Allah pe bae pa kita.

2 Korintus 6:1

Torang deng Tuhan Allah karja sama-sama untuk kase tau Kabar Bae tentang Yesus Kristus pa orang-orang. Ngoni ini so tarima Tuhan Allah pe bae waktu Yesus Kristus dapa salib, jadi torang minta pa ngoni, jang kase sia-sia Tuhan Allah pe bae itu.

Filipi 2:21

Dorang yang laeng itu cuma pikir dong pe diri sandiri saja. Dorang tara pusing deng Yesus Kristus pe mau.

Filipi 2:25

Turus tentang Epafroditus, torang pe sudara satu yang sama-sama percaya, kita rasa lebe bae kita suru dia pulang ulang pa ngoni. Dulu, dia yang perna ngoni kase tugas untuk bantu kita pe karja di sini, kong dia so berusaha karas sama-sama deng kita.

Filipi 2:30

Barang, dia jaga biking apa yang Yesus Kristus suru, kong dia amper-amper mo mati waktu biking tugas itu. Dia tara peduli, dia mo hidup ka, mati ka, barang dia suka mo bantu pa kita. Dia sama deng ngoni pe pengganti untuk bantu pa kita karna kita jao dari ngoni skarang.

Kolose 1:29

Karna itu, kita berusaha sunggu-sunggu biking kita pe karja ini pake kekuatan yang luar biasa, yang Yesus Kristus kase pa kita.

Kolose 4:12

Epafras lagi ada kirim salam pa ngoni. Dia satu jemaat deng ngoni, dia lagi jaga biking apa yang Kristus Yesus suru. Dia salalu berdoa sunggu-sunggu untuk ngoni. Dia minta pa Tuhan Allah supaya ngoni pe percaya pa Kristus Yesus jadi kuat deng supaya ngoni butul-butul tau Tuhan Allah pe mau.

1 Tesalonika 2:9

Sudara-sudara, ngoni pasti masi inga, waktu torang deng ngoni, torang mancari siang malam supaya torang bole tanggung tong pe hidup sandiri. Deng bagitu, torang pe hidup tara baharap pa sapa-sapa waktu torang kase tau pa ngoni Kabar Bae dari Tuhan Allah.

1 Tesalonika 5:12

Sudara-sudara, torang minta supaya ngoni hormati orang-orang yang Tuhan so pili untuk pimpin pa ngoni. Dorang itu yang karja karas di ngoni pe jemaat, deng dong lagi yang kase nasehat pa ngoni supaya ngoni tetap percaya pa Tuhan.

2 Tesalonika 3:1

Sudara-sudara, torang minta lagi supaya ngoni kase berdoa pa torang. Ngoni berdoa, supaya Tuhan pe Kabar Bae capat tasiar di mana-mana la orang tarima itu deng rasa hormat, sama deng dulu waktu ngoni tarima Kabar Bae itu.

1 Timotius 4:10

Karna itu, torang berusaha karas layani pa Tuhan Allah. Torang biking bagitu karna torang baharap deng yakin pa Tuhan Allah yang hidup. Dia itu yang kase slamat pa samua orang, lebe kusus untuk orang yang percaya pa Dia.

2 Timotius 4:5

Tapi biar bagitu me, Timotius, ngana musti tetap tenang dalam samua hal. Kalu ngana biking ngana pe tugas kong dapa siksa, ngana musti sabar. Ngana kase tau pa orang-orang Kabar Bae itu supaya dorang jadi percaya pa Yesus. Deng samua tugas yang Tuhan so kase pa ngana, biking bae-bae sampe selesai.

Filemon 1:1

Filemon, torang pe tamang satu karja yang kita sayang! Salam dari kita Paulus. Kita kirim surat ini dari dalam penjara. Kita di sini gara-gara kita ada kase tau Kabar Bae tentang Kristus Yesus pa orang-orang. Kita deng Timotius, torang pe sudara yang sama-sama percaya, yang ada tulis surat ini pa ngana, Filemon.

Ibrani 3:6

Tapi Yesus Kristus lebe berkuasa dari nabi Musa. Barang, Yesus Kristus itu Anak Allah yang setia pa Tuhan Allah pe umat, sama deng ana satu yang berkuasa pa samua dia pe papa pe ruma. Kong torang ini sama deng Tuhan Allah pe ruma sandiri, asal torang bapegang kuat deng tong pe percaya, deng torang yakin torang akan dapa apa yang Tuhan Allah so janji mo kase pa torang. Itu yang biking torang pe hati sanang.

Wahyu 2:1

Anak Manusia yang dari sorga bilang pa kita, “Yohanes, tulis suda untuk malaekat yang jaga pa jemaat di kota Efesus. Ngana tulis bagini: Ini pasáng dari Anak Manusia, yang pegang tuju bintang di tangan kanan, deng yang bajalang kuliling lia satu-satu tuju tiang lampu mas itu.