Lukas 1:78 - Perjanjian Baru Bahasa Melayu Maluku Utara

⁷⁸ Torang pe Tuhan Allah rasa kasiang pa torang. Karna itu, Dia datang dari sorga kase slamat pa torang. Dia pe datang itu, akan jadi sama deng matahari pagi kaluar

Lukas 1:78 Iomraidhean Croise

Yohanes 3:16

Memang Tuhan Allah paling sayang skali pa samua orang di dunia ini, sampe Dia kase Dia pe Anak yang cuma satu untuk tebus manusia pe dosa-dosa, supaya sapa saja yang percaya pa Dia pe Anak tara mo dapa hukuman tapisa deng Tuhan Allah, tapi mo dapa hidup deng Dia slama-lamanya.

Efesus 5:14

Itu dia pe sebab sampe ada orang yang bilang bagini, “Ee ngoni yang masi tidor, bangun suda, ngoni ini sama deng orang yang so mati, ngoni musti hidup ulang. Barang, Yesus Kristus mo kase tarang ngoni pe hati.”

Filipi 1:8

Tuhan Allah suda yang jadi kita pe saksi, kita ini paling rindu skali mo baku dapa deng ngoni, karna kita sayang pa ngoni sama deng Kristus Yesus sayang pa ngoni.

Filipi 2:1

Sudara-sudara, ngoni so percaya pa Yesus Kristus, jadi Dia so biking ngoni pe hati kuat. Ngoni pe hati sanang karna Dia sayang pa ngoni. Ngoni so hidup satu hati satu deng yang laeng karna Roh Kudus yang pimpin pa ngoni. Ngoni me baku-baku sayang, deng ada rasa kasiang satu deng yang laeng.

Kolose 3:12

Tuhan Allah so pili pa ngoni, ngoni yang so jadi Dia pe umat, deng yang Dia sayang. Jadi ngoni pe hidup musti bagini: ada rasa kasiang, hati bae, tara sombong, tara kasar, deng salalu sabar.

2 Petrus 1:19

Jadi, dari samua yang torang lia deng dengar di atas gunung itu, torang lebe tamba yakin apa yang dulu nabi-nabi so kase tau tentang Yesus Kristus itu memang butul. Ngoni musti perhatikan bae-bae nabi-nabi pe pasáng itu supaya ngoni tau yang butul, sama deng ngoni ada perhatikan lampu yang bacahaya dalam galap. Ngoni perhatikan yang nabi-nabi tulis itu, deng biking itu sampe Yesus Kristus datang ulang yang kedua kali. Waktu Dia datang ulang itu, ngoni akan butul-butul kanal pa Dia, sama deng ngoni ada lia bintang timur yang muncul amper siang waktu hari so mo pagi.

1 Yohanes 3:17

Kalu ada orang yang dia pe hidup talebe sadiki, kong dia lia dia pe sudara yang percaya pe hidup susa tapi dia tara tolong, itu Tuhan Allah pe sayang tara ada di dia pe hati.

Wahyu 22:16

Yesus bilang lagi, “Kita ini Yesus. Kita so utus Kita pe malaekat untuk kase tau samua hal yang mo jadi ini pa ngoni, la ngoni me kase tau ini pa jemaat-jemaat. Kita ini raja Daud pe turunan. Kita ini sama deng bintang yang paling tarang yang basinar kalu so amper siang di sabla timur.”