Lukas 1:72 - Perjanjian Baru Bahasa Melayu Maluku Utara

⁷² Tuhan mo biking bagitu, karna Dia tara lupa yang Dia janji pa torang pe orang tua dulu-dulu. Dia inga Dia pe janji yang kudus itu deng cara kase tunju Dia pe sayang pa dorang.

Lukas 1:72 Iomraidhean Croise

Roma 11:28

Biar bagitu me, banya dari kita pe sudara bangsa Yahudi yang tara percaya Kabar Bae tentang Yesus Kristus, karna itu dorang so jadi Tuhan Allah pe musu. Tapi karna dorang tara percaya Kabar Bae itu, biking ngoni untung, skarang Tuhan Allah so tarima pa ngoni. Cuma biar bagitu, orang-orang Yahudi tetap Tuhan Allah sayang, barang Tuhan Allah so pili pa dorang jadi Dia pe umat. Itu Dia pe janji dari dulu pa dorang pe orang tua dulu-dulu.

Roma 9:4

Dorang itu orang Israel. Dari dulu, Tuhan Allah pili kong biking pa dorang jadi Dia pe ana-ana. Deng Tuhan Allah so kase tunju Dia pe kuasa yang hebat pa dorang pe orang tua dulu-dulu. Tuhan Allah me so biking janji deng dorang pe orang tua dulu-dulu yang biking dorang jadi Dia pe umat. Tuhan Allah so kase pa dorang aturan di lima kitab Musa kong kase tunju pa dorang bagimana cara yang butul supaya semba pa Dia. Turus ada banya lagi janji yang Dia kase pa dorang pe orang tua dulu-dulu.