Lukas 1:52 - Perjanjian Baru Bahasa Melayu Maluku Utara

⁵² Dia kase turung raja-raja dari dorang pe jabatan, kong Dia angka pa orang-orang yang tarada arti apa-apa.

Lukas 1:52 Iomraidhean Croise

Markus 6:3

Padahal Dia itu cuma tukang kayu. Dia pe mama Maria, Dia pe sudara pa Yakobus, Yoses, Yudas deng Simon. Dia pe sudara-sudara parampuang me ada sama-sama deng torang di sini, to?” Karna orang-orang di situ tau itu, dorang tara tarima pa Dia.

Lukas 14:11

Barang, sapa saja yang baangka diri, Tuhan Allah mo biking dia jadi orang yang tara arti apa-apa. Tapi sapa yang anggap dia pe diri sama deng orang yang tara arti apa-apa, Tuhan Allah mo angka pa dia jadi orang yang penting.”

Lukas 18:14

Jadi ini yang Kita mo bilang pa ngoni: tukang tagi pajak itu pulang pa dia pe ruma, kong Tuhan Allah biking dia jadi orang yang tara sala pa Tuhan Allah pe muka, tapi orang dari aliran Farisi itu, tarada. Barang, sapa saja yang baangka diri, Tuhan Allah mo biking dia jadi orang yang tara arti apa-apa. Tapi sapa yang anggap dia pe diri tara arti apa-apa pa Tuhan Allah pe muka, Tuhan Allah mo angka pa dia jadi orang yang penting.”

Yakobus 4:10

Ngoni musti hidup sama deng orang yang tara arti apa-apa pa Tuhan Allah pe muka, kong deng bagitu, Dia mo biking ngoni jadi orang yang penting pa Dia pe muka.