Lukas 1:29 - Perjanjian Baru Bahasa Melayu Maluku Utara

²⁹ Maria kage waktu dengar malaekat bilang bagitu. Dia babatanya dalam hati, malaekat itu pe maksut apa.

Lukas 1:29 Iomraidhean Croise

Matius 16:7

Pe dengar itu, murit-murit baku bilang, “Ee, Guru bilang bagitu, barang torang tara bawa roti.”

Lukas 1:12

Pe lia bagitu, Zakharia kage kong jadi tako skali.

Lukas 1:28

Malaekat itu datang pa Maria kong bilang bagini, “Salam, nona Maria! Tuhan mo kase tunju Dia pe bae pa ngana. Dia salalu ada sama-sama deng ngana.”

Lukas 1:66

Samua orang yang dengar hal itu babatanya dalam hati, “Akan jadi apa ana itu kalu dia basar?” Dorang bapikir bagitu karna dong tau Tuhan pe kuasa ada sama-sama deng ana itu.

Lukas 2:19

Tapi Maria simpang samua yang jadi itu di dia pe hati kong dia pikir bae-bae samua itu.

Lukas 2:51

Abis itu, Yesus pulang di Nazaret sama-sama deng dorang, kong Dia tetap dengar-dengaran pa dorang. Tapi Dia pe mama inga-inga turus apa yang Yesus bilang tadi kong tanya-tanya dalam hati apa itu dia pe arti.

Kisah Para Rasul 10:17

Abis itu, Petrus jadi bingung kong batanya-tanya dalam hati tentang samua penglihatan itu pe arti. Pas waktu itu, orang-orang yang Kornelius suru so sampe di ruma yang Petrus tinggal, kong so badiri di muka pintu.

Kisah Para Rasul 10:4

Kornelius haga pa malaekat itu deng rasa tako skali, kong dia bilang, “Ada apa bapa?” Malaekat itu bilang pa dia, “Tuhan Allah so dengar ngana pe doa, deng Dia so lia samua yang ngana so bantu pa orang-orang susa. Tuhan Allah tetap inga yang ngana so biking itu.