Ibrani 8:2 - Perjanjian Baru Bahasa Melayu Maluku Utara

² Yesus Kristus tara sama deng imam di dunia yang biking dong pe tugas layani pa Tuhan Allah di Tenda Ibada yang manusia biking, tapi Dia biking Dia pe tugas di Tuhan Allah pe tampa tinggal yang sebenarnya di sorga, tampa yang Tuhan Allah biking, deng yang kudus.

Ibrani 8:2 Iomraidhean Croise

Lukas 24:44

Kong Dia bilang pa dorang, “Kita bilang ini pa ngoni waktu Kita masi sama-sama deng ngoni: samua yang tatulis tentang Kita di lima kitab Musa, nabi-nabi laeng pe kitab, deng kitab Mazmur, samua itu musti mo jadi.”

Roma 15:8

Kita kase inga pa ngoni bagini: Yesus Kristus datang di dunia untuk tolong pa torang orang Yahudi la iko apa yang Tuhan Allah janji pa torang pe orang tua dulu-dulu. Deng bagitu, Tuhan Allah kase tunju butul-butul Dia tara lupa biking Dia pe janji.

2 Korintus 5:1

Torang pe badan di dunia ini sama deng ruma yang tong tinggal tara lama. Jadi torang tau, waktu torang orang percaya mati, itu sama deng tong pe tampa tinggal itu ancor, kong Tuhan Allah nanti kase pa torang tampa tinggal yang baru supaya bole tinggal di sorga. Tampa tinggal itu bukang ruma yang manusia biking, tapi badan yang baru, yang hidup deng Tuhan Allah slama-lamanya.

Kolose 2:11

Kita pe maksut, karna ngoni so satu hati deng Yesus Kristus, ngoni so jadi Dia pe umat. Ngoni jadi Dia pe umat bukang karna ngoni dapa sunat iko agama Yahudi pe aturan, tapi karna Yesus Kristus so kase bebas pa ngoni dari manusia pe mau yang jaga biking dosa.

Ibrani 10:11

Tiap-tiap hari, samua imam agama Yahudi biking dong pe tugas. Ulang-ulang dorang bakar binatang korban persembahan pa Tuhan Allah untuk hapus dosa, tapi korban persembahan itu sama skali tara bisa hapus manusia pe dosa.

Ibrani 10:21

Kong Yesus Kristus itu skarang so jadi torang pe Imam Basar yang hebat yang pimpin pa torang samua Tuhan Allah pe umat.

Ibrani 11:10

Abraham bole batahang hidup sebagai pendatang, karna dia ada tunggu-tunggu deng yakin mo tinggal di kota yang baru di sorga yang Tuhan Allah biking iko Dia pe rencana sandiri. Kota itu pe fandasi kuat skali.

Ibrani 9:1

Memang dulu, waktu Tuhan Allah biking janji yang lama deng bangsa Israel itu, ada aturan-aturan untuk semba pa Dia, deng ada lagi Dia pe Tenda Ibada yang dong biking.

Wahyu 21:3

Kong kita dengar suara yang kuat skali dari sekitar Tuhan Allah pe kursi raja itu bilang bagini, “Perhatikan bae-bae! Tuhan Allah pe tampa tinggal so ada di tenga-tenga manusia, deng Dia akan tinggal sama-sama deng manusia. Dorang akan jadi Dia pe umat, deng Dia sandiri akan ada sama-sama deng dorang jadi dorang pe Tuhan Allah.