Ibrani 7:3 - Perjanjian Baru Bahasa Melayu Maluku Utara

³ Tentang Melkisedek ini, orang tara tau dia pe asal-usul. Dia pe papa sapa, dia pe mama sapa, tarada yang tau. Tara ada lagi yang tau dia lahir tempo apa deng mati tempo apa. Jadi sama deng Anak Allah, Melkisedek tetap jadi imam sampe slama-lamanya.

Ibrani 7:3 Iomraidhean Croise

Matius 4:3

Waktu itu, Iblis tukang goda itu datang pa Yesus kong bilang, “Ngana ini Anak Allah, to? Kalu bagitu, Ngana parenta suda supaya batu-batu ini jadi roti.”

Ibrani 4:14

Skarang ini torang so untung, karna torang so ada Imam Basar yang Paling Hebat. Dia itu suda Yesus Kristus, Anak Allah. Dia yang kase bae-bae torang manusia yang berdosa pe hubungan deng Tuhan Allah. Dia so nae di sorga, kong so ada sama-sama deng Tuhan Allah. Jadi, mari suda torang tetap kuat percaya pa Dia.

Ibrani 7:1

Dulu, Melkisedek jadi raja di kota Salem, deng dia lagi imam dari Tuhan Allah yang Paling Tinggi. Satu kali waktu Abraham pulang dari prang kase kala raja-raja, Melkisedek kaluar dari kota Salem kong jemput pa Abraham deng berdoa minta Tuhan Allah kase berkat pa Abraham.

Ibrani 7:17

Barang, dulu di Kitab Suci ada tatulis tentang Dia bagini, “Ngana itu Imam untuk slama-lamanya, sama deng Melkisedek me jadi imam.”

Ibrani 7:2

Turus, Abraham kase pa Melkisedek spulu persen dari barang-barang yang dia dapa waktu prang itu. Melkisedek pe nama pe arti, ‘Raja yang adil’. Deng, karna dia raja dari kota Salem, orang jaga pangge pa dia lagi raja Salem, yang pe arti, ‘raja yang bawa dame’.

Ibrani 7:6

Tapi Melkisedek itu bukang imam Lewi pe turunan. Biar bagitu, Abraham tetap kase pa Melkisedek spulu persen dari barang-barang yang dia ambe waktu dia menang dari prang. Kong Melkisedek berdoa pa Tuhan Allah, minta Abraham dapa berkat, padahal Abraham itu orang yang so tarima Tuhan Allah pe janji-janji dari dulu.