Ibrani 2:3 - Perjanjian Baru Bahasa Melayu Maluku Utara

³ Ajaran itu memang penting skali torang iko, tapi lebe penting lagi ajaran dari Tuhan Yesus yang Dia bilang langsung pa torang manusia! Ajaran itu tentang Dia yang kase slamat pa torang, kong ajaran itu bagus skali! Jadi kalu torang tara peduli, jang kira torang mo lolos dari hukuman! Yesus sandiri yang pertama kase tau ajaran itu, kong dorang yang dengar itu kase tau pa torang. Jadi, deng dorang pe kesaksian itu, torang bisa tau, ajaran itu memang butul.

Ibrani 2:3 Iomraidhean Croise

Matius 23:33

Woe ngoni orang-orang jahat. Ngoni sama deng ular bisa. Ngoni itu turunan orang jahat, sama deng ular bisa pe turunan. Tuhan Allah akan kase maso pa ngoni di neraka, kong ngoni tara akan mo lolos.

Matius 4:17

Waktu di Kapernaum, Yesus mulai kase tau Tuhan Allah pe pasáng pa orang-orang, “Bertobat suda kong iko pa Tuhan Allah, karna so tara lama lagi Tuhan Allah mo Berkuasa sebagai Raja pa orang-orang yang percaya pa Dia!”

Markus 1:14

Waktu Yohanes Pembaptis dapa maso di penjara, Yesus pigi di daera Galilea, kong kase tau Kabar Bae dari Tuhan Allah di sana.

Lukas 1:2

Dorang tulis samua itu sama deng dorang dengar langsung dari orang-orang yang so lia deng mata kapala sandiri. Orang-orang itu yang lia dari pertama waktu samua itu jadi, kong kase turus carita itu pa orang-orang laeng.

Lukas 1:69

Dia so utus satu Orang yang hebat untuk kase slamat pa torang. Orang itu raja Daud pe turunan. Raja Daud itu orang yang jaga biking apa yang Tuhan Allah suru.

Lukas 24:19

Yesus tanya pa dorang, “Apa yang so jadi kong?” Dorang jawab, “Ini tentang apa yang jadi pa Yesus dari Nazaret, Dia itu Nabi, yang jaga kase turus Tuhan Allah pe pasáng. Dia ponong deng kuasa waktu Dia mangajar deng waktu Dia biking mujizat. Tuhan Allah deng samua orang me bilang apa yang Dia biking itu butul samua.

Yohanes 15:27

Kong ngoni ini lagi musti kase tau tentang Kita pa orang-orang, karna so dari dulu ngoni so sama-sama deng Kita.”

Kisah Para Rasul 1:22

mulai dari Yohanes baptis pa Yesus sampe Yesus taangka ka atas di sorga kase tinggal pa torang. Orang itu mo sama-sama deng torang untuk jadi saksi kase tau pa orang-orang, Yesus so hidup ulang.”

Kisah Para Rasul 2:22

Turus Petrus bilang lagi, “Ee, sudara-sudara orang Israel! Dengar bae-bae yang kita mo bilang pa ngoni ini. Tuhan Allah yang utus pa Yesus orang Nazaret itu, kong itu so jelas waktu Yesus biking mujizat-mujizat deng tanda-tanda yang kase tunju Tuhan Allah pe kuasa sampe biking orang herang. Samua itu so jadi di ngoni pe tenga-tenga, sama deng yang ngoni so tau.

Kisah Para Rasul 4:12

Jadi, cuma Yesus saja yang bisa kase slamat pa manusia, karna di seluru dunia, cuma Dia saja yang Tuhan Allah pili untuk kase slamat pa manusia. Tara ada yang laeng.”

Roma 11:14

karna kita harap deng kita pe tugas ini, kita bisa biking kita pe sudara orang Yahudi yang satu bangsa deng kita jadi cemburu. Barang kalu dorang lia ada orang dari bangsa laeng dapa slamat, sapa tau deng bagitu, ada dari dorang yang bole percaya la dapa slamat lagi.

Roma 2:3

Jadi ngoni yang jaga kase sala pa orang laeng, jang ngoni pikir ngoni mo dapa bebas dari Tuhan Allah pe hukuman, karna ngoni me jaga biking barang yang jahat.

1 Korintus 1:21

Karna biar manusia pande skali, manusia tara bisa kanal Tuhan Allah deng dong pe pande. Tapi Tuhan Allah itu tau samua hal kong Dia biking rencana yang bae, sampe Dia mau kase slamat pa orang-orang yang percaya Kabar Bae itu, biar banya orang bilang kata, itu orang bodo pe carita.

1 Tesalonika 5:3

Ada dia pe waktu orang-orang mo bilang bagini, “Torang pe hidup tenang deng aman. Jadi torang tara perlu tako apa-apa.” Tapi kage-kage dorang itu mo dapa siksa skali. Dorang tara lolos dari hukuman itu. Siksa yang dorang rasa itu, sama deng parampuang pe siksa waktu melahirkan.

1 Timotius 1:15

Kata-kata yang kita mo bilang ini, butul skali. Ngana musti tarima deng percaya deng hati yang sunggu-sunggu bagini, “Kristus Yesus datang di dunia untuk kase slamat orang berdosa.” Kong dari samua orang yang perna biking dosa, kita ini suda yang paling banya biking dosa.

Titus 2:11

Torang musti hidup macam bagitu, barang Tuhan Allah so kase jalang la torang samua bole dapa slamat dari torang pe dosa-dosa, supaya torang jang dapa hukuman. Itu Dia pe bae pa torang.

Ibrani 1:1

Dulu, Tuhan Allah banya kali bicara pa Dia pe nabi-nabi pake macam-macam cara la dorang kase turus Dia pe pasáng pa torang orang Israel pe orang tua dulu-dulu.

Ibrani 1:14

Jadi, malaekat-malaekat tara lebe hebat dari Yesus to, karna dorang itu roh-roh yang biking apa yang Tuhan Allah suru. Tuhan Allah utus pa dorang untuk layani pa orang-orang yang mo dapa slamat dari dosa-dosa.

Ibrani 1:2

Tapi skarang, di waktu yang so dekat hari kiamat ini, Tuhan Allah so utus Dia pe Anak sandiri yang bicara langsung pa torang. Dia pe Anak itu yang dulu Tuhan Allah pake untuk biking dunia ini deng samua-samua dunia pe isi. Kong Dia pe Anak itu suda yang Tuhan Allah so tentukan supaya jadi ahli waris dari samua-samua yang ada.

Ibrani 12:25

Jadi, ngoni musti dengar bae-bae pa Tuhan Allah yang bicara pa ngoni, jang ngoni tolak pa Dia. Barang, dulu-dulu itu, orang-orang Israel tara peduli deng Tuhan Allah pe kata-kata yang nabi Musa bilang pa dorang di dunia, jadi dorang dapa hukum. Apalagi deng torang ini, torang pasti tara akan bebas dari Tuhan Allah pe hukuman kalu torang tara mau dengar Tuhan Allah yang dari sorga pe bicara.

Ibrani 4:1

Jadi sudara-sudara, biar torang pe orang tua dulu-dulu tara dapa maso di tana yang Tuhan Allah janji untuk baistrahat, skarang Tuhan Allah pe janji untuk baistrahat sama-sama deng Dia masi ada. Jadi torang musti ati-ati, jang sampe ada satu dari torang yang tara bisa baistrahat deng Tuhan Allah.

Ibrani 4:11

Jadi, mari suda torang berusaha supaya torang bole baistrahat sama-sama deng Tuhan Allah. Jang sampe ada satu dari torang yang tara dapa baistrahat itu karna dia iko torang pe orang tua dulu-dulu pe sifat yang tara dengar-dengaran pa Tuhan Allah.

Ibrani 5:9

Deng Yesus biking bagitu, Tuhan Allah so biking Dia jadi sempurna, supaya Dia yang bisa kase slamat pa sapa saja yang dengar-dengaran pa Dia untuk slama-lamanya.

Ibrani 9:28

Bagitu lagi Yesus Kristus mati cuma satu kali saja, Dia mati itu supaya jadi korban persembahan untuk hapus banya orang pe dosa-dosa. Kong Dia akan datang lagi yang kedua kali, bukang untuk hapus manusia pe dosa-dosa, tapi untuk kase slamat pa orang-orang yang ada tunggu-tunggu Dia mo datang ulang.

1 Yohanes 1:1

Surat ini torang tulis tentang Yesus Kristus. Dia itu Firman yang biking orang bole dapa hidup deng Tuhan Allah slama-lamanya. Firman itu memang so ada dari pertama dunia bolong jadi. Torang so dengar deng so lia pa Dia deng torang pe mata kapala sandiri. Torang me so pegang pa Dia deng tong pe tangan sandiri.

Yudas 1:17

Tapi ngoni sudara-sudara yang kita sayang, inga apa yang torang pe Tuhan Yesus Kristus pe utusan-utusan so perna bilang.

Wahyu 7:10

Turus, deng suara kuat dorang bilang bagini, “Yang kase slamat pa torang, itu Tuhan Allah yang dudu di kursi raja, deng Anak Domba lagi.”