Ibrani 1:4 - Perjanjian Baru Bahasa Melayu Maluku Utara

⁴ Karna Anak Allah so dudu di tampa yang terhormat itu, torang bole tau deng jelas Dia lebe hebat dari malaekat-malaekat. Bagitu lagi deng Dia pe nama yang Tuhan Allah kase pa Dia, itu jao lebe bagus dari malaekat-malaekat pe nama.

Ibrani 1:4 Iomraidhean Croise

Efesus 1:21

Kong kuasa yang so ada pa Yesus Kristus itu paling basar skali, lebe basar dari samua kuasa deng dari samua yang berkuasa di langit deng di bumi. Kong Dia pe kuasa itu lebe basar dari samua-samua yang ada, bukang cuma skarang ini saja, tapi sampe slama-lamanya.

Kolose 1:18

Yesus Kristus itu suda pemimpin yang ator Dia pe jemaat, sama deng kapala ator dia pe badan. Dia itu suda yang kamuka hidup ulang dari samua orang yang perna mati, jadi Dia yang paling penting dari samua yang ada.

Kolose 2:10

Kong karna ngoni so satu hati deng Yesus Kristus, samua yang ngoni perlu, so ada pa Dia. Dia itu suda yang lebe berkuasa dari samua yang bapimpin deng dari samua kuasa yang ada di langit deng di bumi.

2 Tesalonika 1:7

Kong Dia mo biking ngoni deng torang samua bebas dari siksa yang skarang ini torang rasa. Itu samua nanti mo jadi waktu Tuhan Yesus datang dari sorga sama-sama deng Dia pe malaekat-malaekat deng kuasa yang basar. Dia mo turung deng api yang mamanyala.

Ibrani 1:9

Ngana sanang kalu orang biking yang butul, deng Ngana binci kalu orang biking yang jahat. Karna itu, Kita Tuhan Allah, Ngana pe Tuhan Allah, siram minya pa Ngana pe kapala supaya jadi tanda Kita angka pa Ngana jadi Raja, deng supaya Ngana pe hati jadi sanang. Ngana pe sanang itu, lebe basar dari Ngana pe tamang-tamang.”

Ibrani 12:17

Jang ngoni biking bagitu. Barang, ngoni tau, abis itu waktu Esau so mo tarima janji berkat sebagai ana yang tua, dia pe papa tara kase, kong dia so tara dapa kesempatan untuk bertobat dari dia pe sala, biar lagi dia mamanangis.

Ibrani 2:9

Tapi yang so jelas itu, Yesus Kristus yang berkuasa pa samua-samua yang ada. Dia suda yang Tuhan Allah biking Dia pe posisi sadiki lebe randa dari malaekat-malaekat. Tapi itu cuma sementara saja, cuma waktu Dia ada di dunia ini. Skarang ini, Tuhan Allah so biking Dia jadi hebat deng dapa hormati sama deng Raja karna Dia so menderita sampe mati di kayu salib. Dia rasa samua itu karna Tuhan Allah kase Dia pe bae yang cuma-cuma pa torang samua, supaya torang samua dapa slamat dari dosa-dosa.

1 Petrus 3:22

Kong skarang, Yesus Kristus so nae ka atas di sorga, so dudu di tampa yang terhormat, pa Tuhan Allah pe sabla kanan. Kong samua malaekat, samua yang ada kuasa, deng samua yang ada pengaru, ada di bawa Yesus Kristus pe kuasa.