Ibrani 1:1 - Perjanjian Baru Bahasa Melayu Maluku Utara

¹ Dulu, Tuhan Allah banya kali bicara pa Dia pe nabi-nabi pake macam-macam cara la dorang kase turus Dia pe pasáng pa torang orang Israel pe orang tua dulu-dulu.

Ibrani 1:1 Iomraidhean Croise

Lukas 1:55

pa torang pe orang tua dulu-dulu itu, Abraham deng dia pe turunan. Janji itu memang Tuhan so bilang dari dulu, kong berlaku sampe slama-lamanya.”

Lukas 1:72

Tuhan mo biking bagitu, karna Dia tara lupa yang Dia janji pa torang pe orang tua dulu-dulu. Dia inga Dia pe janji yang kudus itu deng cara kase tunju Dia pe sayang pa dorang.

Lukas 24:27

Abis bilang bagitu, turus Yesus kase jelas pa dorang apa yang tatulis tentang Dia di samua Kitab Suci, mulai dari kitab-kitab yang nabi Musa tulis sampe di kitab-kitab yang nabi-nabi laeng ada tulis.

Lukas 24:44

Kong Dia bilang pa dorang, “Kita bilang ini pa ngoni waktu Kita masi sama-sama deng ngoni: samua yang tatulis tentang Kita di lima kitab Musa, nabi-nabi laeng pe kitab, deng kitab Mazmur, samua itu musti mo jadi.”

Yohanes 16:13

Nanti kalu Roh Kudus yang mo tolong itu so datang, Dia mo kase ajar pa ngoni sampe ngoni bole mangarti samua yang butul. Barang, Roh Kudus itu tara bicara iko apa yang ada pa Dia pe pikiran sandiri, tapi Dia bicara iko apa yang Dia dengar dari Tuhan Allah. Kong Roh Kudus lagi yang mo kase tau pa ngoni apa yang mo jadi nanti.

Yohanes 7:22

Padahal ngoni sandiri lagi bakarja di hari Sabat, waktu ngoni sunat orang iko apa yang nabi Musa suru. Sebenarnya, sunat itu bukang nabi Musa pe aturan, tapi aturan itu dari torang pe orang tua dulu-dulu Abraham, Ishak deng Yakub.

Yohanes 9:29

Torang tau, Tuhan Allah so bicara pa nabi Musa, tapi tentang Orang itu, torang tara tau Dia itu datang dari mana.”

Kisah Para Rasul 13:32

Jadi, skarang ini torang dua mo kase tau Kabar Bae tentang Yesus Kristus pa ngoni. Kabar Bae itu, yang Tuhan Allah janji pa torang pe orang tua dulu-dulu.

Kisah Para Rasul 2:30

Raja Daud itu nabi yang kase turus Tuhan Allah pe pasáng, jadi dia tau Tuhan Allah so bajanji pa dia deng basumpa, satu orang dari Daud pe turunan mo jadi Raja, deng pasti mo jadi.

Kisah Para Rasul 28:23

Abis itu, dorang tentukan satu hari lagi la mo baku dapa ulang deng Paulus. Pas hari itu, banya skali orang datang pa Paulus pe tampa tinggal. Pagi sampe sore, Paulus kase tau deng basaksi pa dorang tentang Tuhan Allah Berkuasa sebagai Raja pa Dia pe umat. Paulus me pake ayat-ayat yang ada di lima kitab Musa deng ayat-ayat di nabi-nabi laeng pe kitab supaya dorang mangarti kong percaya pa Yesus.

Kisah Para Rasul 3:21

Tapi skarang, Yesus Kristus musti tetap tinggal di sorga, sampe dia pe waktu Tuhan Allah biking samua jadi baru. Samua itu Tuhan Allah so janji pa torang dari dulu pake Dia pe nabi-nabi yang kudus.

Ibrani 11:18

Pa Abraham itu suda Tuhan Allah so janji bagini, “Dari Ishak itu, ngana akan mo dapa banya turunan.”

Ibrani 11:2

Barang, torang orang Israel pe orang tua dulu-dulu pe percaya macam bagitu. Itu yang biking sampe Tuhan Allah sanang deng dorang.

Ibrani 12:25

Jadi, ngoni musti dengar bae-bae pa Tuhan Allah yang bicara pa ngoni, jang ngoni tolak pa Dia. Barang, dulu-dulu itu, orang-orang Israel tara peduli deng Tuhan Allah pe kata-kata yang nabi Musa bilang pa dorang di dunia, jadi dorang dapa hukum. Apalagi deng torang ini, torang pasti tara akan bebas dari Tuhan Allah pe hukuman kalu torang tara mau dengar Tuhan Allah yang dari sorga pe bicara.

Ibrani 2:2

Barang, ajaran yang ada di lima kitab Musa, malaekat-malaekat kase tau pa torang orang Israel pe orang tua dulu-dulu, kong ajaran itu memang butul. Turus, tiap orang yang tara iko atau tara biking ajaran itu, orang itu mo dapa hukuman iko apa yang dia langgar.

Ibrani 2:3

Ajaran itu memang penting skali torang iko, tapi lebe penting lagi ajaran dari Tuhan Yesus yang Dia bilang langsung pa torang manusia! Ajaran itu tentang Dia yang kase slamat pa torang, kong ajaran itu bagus skali! Jadi kalu torang tara peduli, jang kira torang mo lolos dari hukuman! Yesus sandiri yang pertama kase tau ajaran itu, kong dorang yang dengar itu kase tau pa torang. Jadi, deng dorang pe kesaksian itu, torang bisa tau, ajaran itu memang butul.

Ibrani 3:5

Nabi Musa memang setia pa Tuhan Allah pe umat sama deng orang karja yang setia pa dia pe tuang. Nabi Musa setia kase tau pa Tuhan Allah pe umat tentang apa yang Tuhan Allah mo biking yang mo jadi nanti.

Ibrani 4:8

Hari istrahat baru yang Tuhan Allah maksut itu, bukang di tana Kanaan waktu Yosua bawa maso pa orang Israel dulu. Karna kalu itu pe maksut di tana Kanaan, Tuhan Allah tara akan bicara tentang hari laeng lagi untuk baistrahat sama-sama deng Dia.

Ibrani 5:5

Bagitu lagi deng Yesus Kristus. Dia tara angka Dia pe diri sandiri jadi Imam Basar, tapi Tuhan Allah yang angka pa Dia supaya dapa puji deng hormat. Tuhan Allah bilang pa Yesus Kristus bagini, “Ngana Kita pe Anak. Hari ini Kita jadi Ngana pe Papa.”

Ibrani 9:19

Barang, dulu waktu nabi Musa abis baca samua aturan di lima kitab Musa itu pa orang-orang Israel, dia potong sapi paranggang deng kambing laki-laki, kong ambe binatang itu pe dara, turus dia campur deng aer. Abis itu, nabi Musa ambe cabang kacil dari tanaman yang pe nama hisop deng domba pe bulu yang mera, kong colo di dara deng aer yang so tacampur itu, baru kase percik di kitab-kitab yang ada tulis Tuhan Allah pe aturan-aturan, deng kase percik lagi pa samua orang Israel.